Stindit jaku English nurun, Sarawak deka masuk champur
Cari Berita

Advertisement

Stindit jaku English nurun, Sarawak deka masuk champur

Staf @beritaibanMY
October 23, 2017

Abang Johari (kanan) munyika 'loceng' kelai bejadi Simposium Pelajar Jaku English Sarawak 2017 di Kuching sehari tu.
KUCHING: Perintah Sarawak deka masuk champur ba pengawa ngangkatka ikas pengelandik raban nembiak sekula nguasa jaku English.

Kepala Menteri, Datuk Patinggi Abang Johari Tun Openg madah tajapan pekara pelajar dikuasa Perintah Besai, Sarawak ngasai pengawa ke udah diadu enda mantu raban nembiak ditu.

"Tajapan mayuh insiaitif udah digaga Opis Menteri Pelajar ba atur ngangkatka stindit English nembiak sekula, pemereti mensia mayuh kelebih agi bala pengereja pengawa mengkang baruh," ku iya.

Abang Johari mansutka jaku nya rambau bejadi Simposium Pelajar Jaku English Sarawak (SELES) 2017 ke diatur di seiti hotel ditu, sehari tu.

Ku iya nambah, siti penanggul ke ditapi Opis Pelajar Sarawak iya nya ba sentang agih belanja ke diberi suah enda chukup.

"Tu ketegal rampa menua kitai ti besai ke alai sekeda sekula didirika jauh di menua ulu,” ku iya.

Berindik ari nya, iya madah Sarawak deka masuk champur lalu nyaup opis pelajar ba sekeda pengawa ke diasai berat.

“Kitai ulih nyendia latih ngagai pengajar ngambika landik ba English sereta ngambika sida lebih kreatif enggau inovatif.

“Kedua, Sarawak ulih nyendia perengka latih enggau belajar lalu kitai deka nyukung aktiviti sekula baka ke pekit bepekit bejaku enggau ngarang cherita ba English,” ku iya.

SELES 2017 diatur berengkah kemari nyentuk ngagai 25 Oktober 2017 lalu digulu raban pengajar ari selampur Sarawak. #UtusanBorneo