Tanah NCR Kpg Lebor, Serian deka dipansik sereta dipejuraika - Berita Iban Online | Laman Web Berita Kitai

Header Ads

  • Baru Nyadi

    Tanah NCR Kpg Lebor, Serian deka dipansik sereta dipejuraika

    Datuk Amar Douglas Uggah Embas
    KUCHING: Sapit Kepala Menteri Datuk Amar Douglas Uggah Embas madah empas ari kes Tanah Hak Adat Bumiputera (NCR) di genturung pendiau Kpg Lebor, Jalai Gedong, Serian deka dipansik sereta dipejuraika ulih Komiti Pemakai Menua (PM) enggau Pulau Galau (PG).

    Hari Lima (minggu nyin tadi), tiga iku sida ke bempu tanah NCR, lenyau tanah NCR sida iya pengudah Kort Perintah Besai ngaga pemutus, iya nya Kort Besai enda ulih merintah lalu ngemetulka tanah ke di empu, diseliah ari pajak gadai ke udah diberi.

    Uggah ti mega nyadi chairman Komiti PM enggau PG, bekait enggau kes ke baru nyadi, komiti nya udah mansik sereta benung beratika kes lalu deka ngatur aum bekai enggau pemerat tu.

    "Kami udah bejuraika kes tu, lalu benung mansik kes tu, lalu nangkan nya ila, deka ngatur aum pasal kes tu, nyangka dalam kandang minggu baru tu ila," ku Uggah.

    Iya madah munyi nya lebuh dikerandau pengudah abis aum media bekait enggau Konferen Biomass Entarabansa 4:0: Innovation-Led-Bio Based Economy (ngarika Kepala Menteri Datuk Patinggi Abang Johari Tun Openg) di Palan Konvensyen Borneo, Kuching ditu, pagi tadi.

    Uggah ti mega nyadi Menteri Pengawa Betanam Betupi Moden, sereta Ekonomi, Tanah Adat NCR sereta Pemansang Menua Pesisir lebuh ditanya baru enti Pemetul bekait enggau Kod Tanah deka dikenyampatka, laban beratika pekara bekait enggau PM enggau PG benung dikmutarka diatu, ku iya:

    "Bisi kes baru bansa tu sama deka dikemutarka," ku iya.

    Hari Lima nyin tadi, Kort Perintah Besai mutuska kes tanah NCR di Kpg Lebor, Jalai Gedong, Serian, Kort Perintah Besai ngaga pemutus, iya nya Kort Besai enda ulih merintah Perintah ngemetulka tanah ke diempu nya diseliah ari pajak gadai ke udah diberi.

    Tiga iku sida ke bempu tanah nya, responden ngagai kes nya, Tuai Rumah Nyutan Jami, Gangak Guma enggau Langa Kama.

    Sapit Pengerijista Kort, Edwin Paramjothy Michael Muniandy lebuh ngarika Kort Perintah Besai, ngenataika berita nya ngagai tiga iku tuai rumah nya, madahka sida iya nadai pilih bukai tang nerima pampas tauka ganti rugi.

    Panel Kort Besai digulu ulih Kepala Hakim Menua, Tun Raus Sharif sereta Hakim Kort Besai, Suriyadi Halim Omar, Zainun Ali, Balia Yusof Wahi enggau Jeffrey Tan.

    Nyimpul jaku ari Kort Perintah Besai nya, Muniandy madahka Pemutus Kort Perintah Besai, iya nya Seksyen 132 Kanun Tanah Sarawak bekait enggau 'indefeasibility of title' agi dikena taja pan iya ulih dipadah, iya nya NCR digaga ba atas tanah nya dalam gaya baka ke ditetapka nengah Kanun ke sebaka', ku iya. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads