Tim RS1 UPP deka ngatur Seminar E-Dagang kena 28 Oktober - Berita Iban Online | Laman Web Berita Kitai

Header Ads

  • Baru Nyadi

    Tim RS1 UPP deka ngatur Seminar E-Dagang kena 28 Oktober

    SIBU: Tim Pelin Sibu (RS1) ari Parti Rayat Bersatu (UPP) deka ngatur Seminar E-Dagang kena 28 Oktober ti deka datai.

    Chairman RS1 Dato Andrew Wong madah, program nya ila diatur ba Universiti College of Technology Sarawak (UCTS) lalu dibagi ngagai dua renggat.

    “Renggat keterubah iya nya ari 9 pagi nyentuk 12.30 tengahari alai seminar tu deka dipejalaika ngena jaku Mandarin lalu ditampung baru berengkah 2 lemai nyentuk 4.30 lemai ngena jaku English,” pia ku iya madah maya aum media ditu, kemari.

    Ku iya, program tu singkang keterubah pengeransing RS1 numbuhka E-Dagang di Sibu ditu.

    Iya madah, pengelicha ke dikangau maya tu iya nya Manager Alibaba.com Menua Eason Liu enggau pengari pengelicha ari Malaysian Digital Economy Corporation (MDEC).

    Kelimpah ari nya, Menteri Dagang Antarabansa enggau E-Dagang Dato Sri Wong Soon Koh bela bisi dikangau datai maya tu ila.

    Andrew madah, batang tuju program tu diatur iya nya meri awak ngagai orang dagang ditu nyemetak agi nemu bakani E-Dagang deka dikemansangka di Sibu.

    “Tu awak ke manah alai orang dagang laban kelimpah nambahka penemu diri sida mega tau betanya ngagai menteri empu (Wong) senentang E-Dagang lebih agi awak dagang nya di Sibu ditu.

    “Program tu mega tau dipeda ‘live’ ba Facebook nengah laman RS1 laban kitai melabaka mayuh orang dagang bukai baka di Sarikei enggau Bintangor enda ulih datai maya tu,” ku iya sambil madah nadai bayar ngulu program nya lalu tebuka ngagai mensia mayuh.

    Taja pan baka nya, ku Andrew, piak sida semina natak 430 iku aja penyereta datai ngulu program tu ila lalu ngarapka mensia mayuh ngerejister enggau lengkas.

    Penerang silik tau ditanya nengah lumur 084-252 433 tauka 016-725 9764. #UtusanBorneo

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads