Header Ads

  • Baru Nyadi

    Bajet 2018, urung RM8.226 bilion

    Abang Johari beratika dokumen bekaul enggau langgur bajet 2018 ke dipejuraika iya seraya diperatika Sapit Kepala Menteri Datuk Amar Douglas Uggah Embas (kanan).-Gambar Chimon Upon
    KUCHING: Perintah ngungkupka belanja urung RM8.226 billion ti mungkur belanja pemansang enggau operasi dalam Bajet 2018.

    Bajet 2018 nya dibantaika Kepala Menteri Datuk Patinggi Abang Johari Tun Openg maya baum Kunsil Nengeri (DUN) ba Aum Kedua Penggal Kedua Kunsil Nengeri Sarawak Kelapan Belas ba Kompleks DUN ditu, ba hari keterubah seharitu tadi.

    "Ba langgur Bajet 2018, sepenyampau RM5.745 billion tauka urung 70 peratus ari penyampau bajet nya dilanggurka ungkup belanja pemansang serata urung RM2.481 billion tauka 30 peratus diperambu ungkup belanja operasi," ku iya ti mega Menteri Wang.

    Bejaku baru iya madahka perintah nengeri terus chakah bejalaika mayuh program enggau projek dikena ngeyampatka pemansang nengeri.

    Iya madahka perintah nengeri deka terus chakah ngemansang menua pesisir dikena nyapai juluk pemansang muka peluang ti lebih besai di kandang menua pesisir, enggau menua ulu ke pengelantang ekonomi raban bansa menua pesisir nengeri tu.

    "Ari semua langgur belanja pemansang, urung 53 peratus tauka RM3.062 diungkup ngagai pemansang menua pesisir, dalam bajet 2018.

    "Ungkup belanja (2018) ke sekali tu lebih besai dibandingka enggau RM2.65 billion ba taun 2016 enggau RM2.982 billion dalam taun 2017," ku iya. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads