Header Ads

  • Baru Nyadi

    IPD Julau mujur nentuka pengelikun nengah semilan iti kes udah dirikod taun tu

    Logo PDRM
    JULAU: Indu Opis Polis Pelilih (IPD) Julau mujur nentuka pengelikun pelilih Julau enggau Pakan alai semina semilan iti kes aja dirikod taun tu.

    Ketuai Polis Pelilih Julau DSP Bidol Noyeng madah, iya berasai temegah amat ati meda tikas penyalah ti mimit dipandangka ba dua bengkah pelilih nya kenyau dua taun berunggu.

    “Naka 6 November taun tu semina semilan iti kes aja dirikodka enti dibida enggau 10 iti kes ba timpuh ke sebaka taun siti tadi,” pia ku iya madah.

    Iya mantaika pekara nya maya bejaku ba Gempuru Ninting Bulan PDRM IPD Julau di Julau, kilah ensana.

    Pemujur nya ku Bidol, bela bepun ari kerejasama ke manah mensia mayuh dia lebih agi tuai raban bansa ba pekara nitihka undang-undang enggau besaup ngemunaska penyalah.

    Berebak enggau pengawa nya, iya bela bisi nyuaka Anugerah Perkhidmatan Cemerlang (APC) ngagai tiga iku penerima kelimpah bela bisi ngelekatka pangkat Sarjan ngagai Sarjan Peter Dugat ti udah ditikika pangkat.

    Sama bela datai maya tu iya nya pengari pemesai pelilih Julau Bidah Lujah, Datuk Pemancha Janggu Banyang, bala kapitan enggau bala penghulu ari pelilih Julau enggau Pakan. #UtusanBoreno

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads