Header Ads

  • Baru Nyadi

    Kuching deka nyadi DFTG dikena ngangkatka e-dagang enggau ekonomi digital

    NAMA BERITA: Abang Johari betabi enggau orang ke bisi datai ngagai Sarawak eCommerce Forum 2017 (SeCF 2017) seraya disempulang (kanan) Wong enggau ke bukai.
    KUCHING: Kepala Menteri Datuk Patinggi Abang Johari Tun Openg madahka Kuching engka deka nyadi ‘Zon Perdagangan Bebas Digital’ (DFTG) ke ulih ngangkatka pemansang e-dagang enggau ekonomi digital, dudi hari ila.

    Berindik ari nya, iya minta semua terus bekerejasama sereta meri sukung ngemujurka semua perambu digital ekonomi ke dipejalaika perintah nyangkaum Kampung Digital, betanam betupi digital, ngemanahka infrastruktur internet enggau ke buka ke benung sereta deka dipejalaika perintah.

    Ambika chunto kitai udah numbuhka Kampung Digital di Samajaya sereta dibaruh Tabung Ekonomi Gagasan Anak Bumiputera Sarawak (TEGAS) numbuhka utai ke dikanggau kitai inovasi hub.

    Lalu hub inovasyen di Kuching kitai numbuhka ba iCom Square kelimpah ari bisi di Sarikei, Betong, Miri, Bintulu, Limbang enggau Lawas sereta kelimpah ari kitai bisi numbuhka palan endur ngumpul produk, ku iya.

    “Bekaul palan endur ngumpul produk, semua produk ke digumpul (ari palan pengumpul) nya deka dibai ngagai Kampung Digital sereta laban kitai udah berandau enggau Pos Malaysia ke nyadi kaban kunsi ali baba dalam DFTZ, nyangka Kuching deka nyadi DFTZ entara kitai enggau ali baba,” ku iya.

    Abang Johari ti mega Menteri Wang enggau Perambu Ekonomi mansutka pekara nya lebuh ti bejadi pengerami nutup Sarawak eCommerce Forum 2017 (SeCF 2017) ke diatur Opis Menteri Dagang Antarabansa enggau e-Dagang ba sebuah hotel ditu, kemari.

    Ngenang pekara nya baru, iya madahka nya (DFTZ) deka bepalan ba padang bilun antarabansa Kuching berindik ari padang bilun nya ke tuju logistik kelimpah ari bisi kereban kastam enggau imigresyen.

    Kelimpah ari nya, ba jaku pengelalu pengerami nya Menteri Dagang Antarabansa enggau e-Dagang Dato Sri Wong soon Koh lebuh ke ngenang DFTZ, iya ngarapka eksport barang orang dagang mit enggau tengan pemesai (SME) deka nambah dua kali lipat ngagai US38 bilion lebuh manggai 2025 ila sereta nyendiaka peluang gawa urung 60,000 pengawa lebuh manggai taun 2025.

    “Enda mayuh SME udah berejista enggau DFTZ.

    “Kitai ngarapka lebuh udah datai ba maya iya ila, enggau pemendar ari YAB Kepala Menteri, kitai ulih numbuhka DFTZ versyen Sarawak enggau ngeranchakka inovasyen bepalasarka internet lalu nyadika kitai regional hub ba rantau tu,” ku iya ti mega Menteri Wang Kedua. #UtusanBoreno

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads