Header Ads

  • Baru Nyadi

    Langgur Bajet 2018 inklusif, mungkur semua polisi baru, ku Aidel Lariwoo

    Ir Aidel Bin Lariwoo
    KUCHING: Langgur Bajet 2018 ke dibantaika Kepala Menteri Datuk Patinggi Abang Johari Tun Openg bajet ti inklusif kelebih agi mungkur semua polisi baru ke ditumbuhka iya.

    Sapit Chairman Kelab Penyukung Barisan Nasional (BNBBC) Sarawak ti mega Kaban Kunsil Nengeri Sadong Jaya, Aidel Lariwoo madahka langgur bajet nya besai.

    “Bajet 2018 iya nya bajet ti inklusif, mungkur semua polisi baru ke ditumbuhka YAB Kepala Menteri kelebih agi bekaul enggau Ekonomi Digital.

    “Nambahka nya bajet nya ngungkupka belanja mungkur Bank Pemansang Sarawak (DBOS), PETROS sereta mungkur infrastruktur tauka perengka guna Sarawak kelebih agi di menua pesisir.

    “Bajet tu chukup engkeman. Kitai nyambut manah bajet tu laban setipak bendar dikena kitai majak mansang,” ku iya lebuh dikerandau bekaul enggau Rang Undang-undang Perbekalan (2018), 2017 ke dibantaika ba hari keterubah aum kedua penggal kedua kunsil nengeri ke-18 kemari.

    Abang Johari ti mega menteri wang lebuh mantaika Rang Undang-Undang Perbekalan (2018), 2017 tauka langgur bajet 2018 nya kemari, perintah nengeri ngungkupka langgur belanja pemansang sepenyampau RM5.745 bilion tauka 70 peratus enggau urung 30 peratus tauka RM2.481 billion langgur belanja operasyen.

    Kelimpah ari nya Menteri Kaunsil Kandang Menua enggau Pengawa Berumah Datuk Prof Dr Sim Kui Hian lebuh dipinta ngenang langgur bajet 2018 nya madah, bajet nya neruska agenda pemansang menu pesisir sereta mungkur tetiap iku orang.

    Ku iya, bajet nya mega bisi mungkur asil kelebih agi minyak enggau gis ke alai kitai amat beguna autonomi.

    “Langgur belanja pemansang tu iya nya bajet nengeri ke pemadu besai enti dibandingka enggau enggau nengeri bukai di Malaysia,” ku iya. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads