Header Ads

  • Baru Nyadi

    Pelajar rampa menua chara perintah ngintu pemaik rampa menua

    MANAH: Awang Tengah (dua kiba) ngemata sekeda produk ke bisi dipandang bala nembiak sekula rambau Anugerah Rakan Alam Sekitar (SERASI) 2016-2017 di Kuching, kemari.
    KUCHING: Program pelajar rampa menua meseti diperansang chakah agi ba nembiak sekula ngambi tau mantu pengawa perintah ngintu enggau ngenan pemaik rampa menua.

    Sapit Kepala Menteri, Datuk Amar Awang Tengah Ali Hassan madah perintah sigi keran nentuka rampa menua diintu enggau manah.

    “Perintah nengeri bisi ngadu kerejasama enggau Perintah Republik Indonesia (Kalimantan), Perintah Negara Brunei Darussalam, Perintah Sabah numbuhka Heart of Borneo (HoB).

    ‘Kitai mega udah setuju nambah pemesai kandang bungkur HoB nyentuk ngagai 2.5 juta hektar,”ku iya ba pengerami nyuaka Anugerah Rakan Alam Sekitar(SERASI) 2016-2017 di seiti hotel ditu, kemari.

    Awang Tengah datai ngarika Kepala Menteri Datuk Patinggi Abang Joharui Tun Openg.

    Kelimpah ari nya ku Awang Tengah nambah, Perintah nagit ulih ngizit 1 juta hektar tanah nyadi kandang endur ke diintu maya manggai ba taun 2020 ke alai diatu penyampau ke udah diggizit ba ikas 900,000 hektar tanah.

    “Pelajar rampa menua nyadi seiti chara perintah ngintu pemaik rampa menua.

    “Aku ngelalau kompeni sereta ijinsi korporat di nengeri tu ngambi sekula ti bisi Kelab Pencinta Alam Sekitar (PALS) nyadi anak iru lalu nyendia belanja dikena raban kelab ngadu pengawa ke bekaul enggau rampa menua.

    “Aku mega ngelalau bala Yang Berhormat ngaul diri ba program tu lalu meri agih belanja ngagai Kelab PALS di sitak diri,’ku iya.

    Bela datai Menteri Muda Kandang Mengeri, Tanah enggau Rampa Menua Datu Len Lalif Salleh, Sekretari Mendam Opis Menteri Pemansang Mengeri enggau Pengeraja Asal, Dr Wan Lizozman Wan Omar, Kontroller Lembaga Pengeraja Asal enggau Rampa Menua Peter Sawal sereta Manager Besai Shell MDS Sdn Bhd, Tom Wong. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads