Header Ads

  • Baru Nyadi

    Projek ngaga jalai tebing tasik dipelaba tembu ba taun 2023

    Datuk Julaihi Narawi
    KUCHING: Perambu projek jematan enggau projek jalai tebing tasik sereta bungkur jalai alun ke putus dipelaba ulih ditembuka dalam taun 2023.

    Menteri Muda Jalai Tebing Tasik Datuk Julaihi Narawi madah, perintah bebendar beratika peminta guna rayat Sarawak ke diau ba tebing tasik nyengkaum pasar Sematan, Asajaya, Sadong Jaya, Sebuyau, Meludam, Kabong, Mukah, Bintulu nyentuk ke Miri.

    Perintah nengeri ku iya, benung bebendar deka ngemujurka jalai tebing tasik dikena ngenyampatka pemansang ekonomi ba kandang nya senipak enggau juluk perintah deka ngemayuhka pemansang menua pesisir.

    “Perambu perintah diatu ngaga sereta nembuka jematan ba jalai tebing lebih agi ke agi ngena servis feri sereta nembuka bungkur jalai alun ke putus.

    “Perambu maya nembuka semua projek jematan di semanjai jalai tebing tasik nyengkaum bungkur jalai alun ke putus dipelaba ulih ditembuka lebuh manggai ba taun 2023 lalu ungkus belanja naka ke diatu RM4.27 bilion.

    “Jematan Batang Paloh enggau Muara Lassa dipelaba berengkah digaga ba taun 2019. Anggar belanja iya nya RM520 juta ungkup jematan Batang Paloh lalu jematan Muara Lassa RM660 juta,” ku iya lebuh ke nyaut tanya ari Safiee Ahmad (BN-Daro).

    Julaihi mansutka pekara nya maya sesi tanya saut Aum Kedua Penggal Kedua Aum Kunsil Nengeri (DUN) Sarawak Ke-18 ba Kompleks DUN ditu, kemari.

    Perintah udah ngemendarka pengawa ngaga jematan baka jematan Batang Rambungan, Jematan Batang Lupar, Jematan Saribas, Jematan Sg Krian, Jematan Batang Rajang nyengkaum bungkur jalai alun ke putus, Jematan Batang paloh , Jematan Muara Lassa , Jematan Kemena enggau ke bukai, ku iya.

    Kelimpah ari nya perintah mega bisi perambu ngemanahka jalai ari Tanjung Kidurung ke Samalaju nyadi jalai empat lurung dua tunga, ke diatu majak sekut.

    “Jematan ke udah tembu sereta benung digaga di semanjai jalai tebing tasik ku Julaihi baka Jematan Batang Sadong enggau Jematan Kuala Tatau udah tembu digaga. Jematan Batang Samarahan agi benung digaga, diatu 85 peratus tembu,” ku iya.

    Kelimpah ari nya lebuh ke nyaut tanya ari Datuk Abdul Wahab Aziz (BN-Kelaka), Julaihi madahka projek ngemanahka Jalai Bajau/kampung Kupang enggau jematan meraka ari pasar Saratok ngagai Kampung Kupang dipelaba deka dipejalaika dalam empat pakej.

    Iya madahka projek nya udah dikemendarka nengah petengah penggal 2 RMK11, Opis Menteri Pemansang menua Pesisir enggau Kandang Menua.

    “Dikena ngemanahka agi jalai di Kampung Kupang ke pasar Saratok iya nya ngena ungkus belanja urung RM32juta .

    “Opis Kereja Raya nganti pemutus ari KKLW sekalika projek tu ulih dipejalaika dalam empat pakej tauka enda.

    “Empat pakej tauka empat renggat skop pengawa ngemanahka projek nya keterubah, perambu ngemanahka agi jalai semanjai 9 kilometer ari Kampung Kupang ngagai pasar Saratok, kedua perambu ngaga jematan Sg Krian Saratok semanjai 300 meter sereta ngaga jalai baru nuju jematan semanjai 1.5 kilometer.

    “Pakej ketiga, mungkur perambu ngemanahka Jalan Bajau ke simpang Kupang semanjai 11 kilometer enggau pakej keempat, perambu ngemanahka jalai pandak ari Kampung Kupang ngagai jalai Pusa ti semanjai 6 kilometer,” ku iya. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads