Header Ads

  • Baru Nyadi

    Rebut peluang dalam ekonomi baru, ku Abang Johari

    Datuk Patinggi Abang Johari Tun Openg
    KOTA SAMARAHAN: Raban ke graduet dilalau beambi ulih ba penemu ke dipelajar sida sekumbang ke belajar ba palan pelajar tinggi, ngambika ulih enggau ngerebut peluang ba ekonomi baru.

    Kepala Menteri, Datuk Patinggi Abang Johari Tun Openg madahka raban nya enda tau enda nyendiaka diri napi empas dudi hari ila.

    Iya madah, lebuh ke napi pengerembai teknologi pemadah enggau ekonomi baru, nya tentu meri empas ba tetiap sukut pendiau kitai.

    “Udah datai ba maya ke patut kitai sama mantu ngerembaika teknologi baka ke diatu.

    “Lalu enggau nya, kitai pansut ari pendiau kitai ke nyadi orang ke penudi iya ngena teknologi,” ku iya.

    Abang Johari ti mega nyadi Pro Canselor Universiti Malaysia Sarawak (Unimas) madah munyi nya lebuh bejaku ba Sidang Kedua Konvokesyen Unimas Ke-21 di DeTAR Putra Unimas ditu, kemari.

    Iya ngarapka rebak baru ke baru pansut ari universiti ngembuan pengering deka besemekih lalu seruran ngangkatka pengulih sida napi dunya ke majak mar.

    Ku iya baru,penyendia napi revolusyen industri keempat enda tau enda digaga pengudah tiga renggat sebedau nya.

    “Revolusyen ke bepelasarka teknologi inovasyen kelebih agi media digital ukai semina ngubah chara pendiau kitai tang ngubah sukut ekonomi, chara bejalaika pengawa sereta adat dalam komuniti,” ku iya.

    Beratika pemansang nya, iya madahka perintah diatu ngasaika chara sereta ekonomi menya enda tan lama.

    Ba atur pengawa nya mega, Abang Johari nyuaka Ijazah Sarjana Muda ngagai 589 raban graduet ari Fakulti Seni Gunaan enggau Kreatif (FSGK) sereta 326 ke graduet ari Fakulti Injiniring.

    Sama bisi ngulu atur pengawa nya kemari, Pro Canselor Unimas, Datuk Patinggi Tan Sri Alfred Jabu Numpang enggau Mandal Canselor Unimas, Prof Datuk Dr Mohamad Kadin Suadi. #UtusanBoreno

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads