Semilan perambu parti penyakal enda diterima DUN
Cari Berita

Advertisement

Semilan perambu parti penyakal enda diterima DUN

Chief Editor | Berita Iban MY
November 10, 2017

Datuk Amar Mohamad Asfia Awang Nassar
KUCHING: Semua semilan perambu ari raban penyakal enda diterima Kunsil Nengeri (DUN) maya baum DUN kemari, ketegal mayuh pekara ti diperati.

Ari semilan perambu nya, dua ari Parti Keadilan Rakyat iya nya ari Baru Bian (PKR-Ba’Kelalan) ti bekaul enggau Pemakai Menua enggau Pulau Galau sereta perambu ari See Chee How (PKR-Batu Lintang).

Lalu tujuh agi perambu ari Parti Tindakan Demokratik (DAP) iya nya tiga perambu ari Dr. Ting Tiong Choon (DAP-Pujut), dua perambu ari David Wong (DAP-Pelawan) sereta sama seiti perambu ari Chong Chieng Jen (DAP-Kota Sentosa) enggau Irene Chang (DAP-Bukit Assek).

Nitihku Speaker Kunsil Nengeri Datuk Amar Asfia Awang Nassar madah perambu See enda diterima ketegal ti lebih kurang enggau perambu opis menteri ke dibantaika Sapit Kepala Menteri ti mega Menteri Betanam Betupi Moden, Tanah Adat enggau Pemansang Kandang Menua Datuk Amar Douglas Uggah Embas.

Ku iya, perambu ke dibai Baru Bian (PKR-Ba’Kelalan) bekaul enggau ubah Kanun Tanah enda diterima berindik ari iya (Baru) seiku ari luya kes tanah Adat Bansa Asal (NCR) ti sama enggau ngambi bagi mutarka kes ke agi dipechara dalam kort kelimpah ari nya perambu persendirian.

Maya baum Kunsil Nengeri nya kemari, perambu Baru Bian semina disukung 10 iku kaban DUN lalu 58 iku kaban DUN enda setuju perambu dipejuraika dalam kunsil nengeri.

Kelimpah ari, perambu Chong bekaul perminta ngetuka aktiviti ngebom batu kuari di Kota Samarahan enggau Kota Sentosa mega enda diterima Kunsil Nengeri. #UtusanBorneo