Header Ads

  • Baru Nyadi

    Setem pos ke pengingat 150 taun DUN udah ditumbuh, dilanchar

    TEPA: (lima ari kiba) Jailani meri tepa gambar ngagai Abang Johari ke udah bejadika setem nya, ba pengerami nya, kemari.
    KUCHING: Kepala Menteri Datuk Patinggi Abang Johari Tun Openg kemari mujur bejadika Setem pos ke pengingat ti digaga nyerumba 150 taun DUN ditumbuhka.

    Setem nya digaga asil ari kerejasama Kunsil Nengeri (DUN) enggau Pos Malaysia Berhad.

    Setem ke diasilka nyerumba genap 150 taun DUN ditumbuhka nyerita tauka nusui ubah ti berengkah ari aum keterubah kunsil nengeri ke diatur di Bintulu ba taun 1867 nyentukka begunan DUN ke bisi diatu digaga.

    Pengerami bejadika setem nyerumba 150 taun DUN ditumbuhka, diatur ba Kompleks DUN ditu maya baum kunsil nengeri ba hari kererubah Aum Kedua Penggal Kedua Kunsil Nengeri Ke-18 ba Kompleks DUN ditu.

    Sama bisi datai ngagai pengerami nya kemari Sapit Menteri penyambung enggau Multimedia Dato Sri Jailani Johari sereta Sapit Kepala Menteri Datuk Amar Douglas Uggah Embas enggau Datuk Amar Awang Tengah Ali Hasan, menteri, menteri muda enggau kaban kabinet ke bukai.

    ‘Mace’ kelai kuasa enggau enggau penegap tauka pengering Speaker lalu mace baru ngayanka umur enggau timpuh baru kunsil nengeri sehari tu dikena nganti ke udah lama dikena iya nya lebih ari 30 taun.

    DUN Sarawak iya nya kaunsil undang - undang ke pemadu tuai di Malaysia, ti ditumbuhka Raja Muda Charles J.Brooke.

    Kaunsil keterubah ditumbuhka kena 8 September 1867 di Bintulu lalu semina diarika pengari (raban bansa) menua tu empu, ke ulih mantu Brooke bejalaika pengawa ngatur menua.

    Bisi 21 iku kaban keterubah Sarawak General Council ti betuaika Charles Brooke lalu bisi enam pemesai Brooke enggau 16 iku ketuai raban bansa menua tu.

    Taun nangkanka nya aum diatur ba Fort Brooke di Sibu. Udah nya ba bulan Oktober 1870 diatur ba Astana, Kuching.

    Lalu ba taun 1903,Kaunsil Besai diganti ngena nama baru iya nya Kunsil Nengeri sereta berengkah 22 Julai 1918 aum kunsil nengeri diatur ba Court House nyentuk 28 Disember 1973, lebuh dipindah ngagai Dewan Pembangunan Tun Abdul Razak.

    Dalam taun 1976, kunsil nengeri diganti ngena nama baru iya nya Dewan Kunsil Negeri lalu bisi begunan ke diri empu ke disebut Kompleks Dewan Kunsil Nengeri .

    Ke penudi, Dewan Kunsil Nengeri dipindah ngagai begunan ke diatu ba mua Sungai Sarawak, besepiak enggau Astana enggau Fort Margherita. Lalu begunan baru Dewan Kunsil Nengeri dipenyadika Yang Di-Pertuan Agong kena 27 Julay 2009.

    Dewan Kunsil Nengeri Sarawak bisi tiga renggat ke pemadu besai reti iya nya Dinasti Brooke lalu ditangkan jeman British nyentuk Sarawak ulih merintah diri kena 22 Julai 1963 enggau penumbuh Federasyen Malaysia kena 16 September 1963.

    Dewan Kunsil Nengeri Sarawak diatu bisi 82 iku kaban ke dipilih rayat. #UtusanBorneo

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads