Kes ngemediska pangan diri ke nyadi di sekula agi ngirauka ati
Cari Berita

Advertisement

Kes ngemediska pangan diri ke nyadi di sekula agi ngirauka ati

Staf @beritaibanMY
August 19, 2018

Gambar pengias.

KUCHING: Bisi 13 kes nembiak ngemediska pangan diri dirikodka di sekula sekondari enggau siti kes di sekula primari di serata negeri taun tu, ku sapit direktor Opis Pelajar negeri, Abang Mat Ali Abang Masagus.

Iya madahka penyampau nya agi ngirauka ati taja pan udah nurun kenyau ari taun 2016.

Abang Mat Ali madah ba taun 2016, bisi 50 kes dirikod di sekula primari 60 kes di sekula sekondari di serata negeri lalu ba taun 2017 penyampau nya nurun ngagai 47 kes di sekula primari enggau 42 kes di sekula sekondari.

Ku iya, kes nya bekaul enggau ulah ngemedis nya dikereja nengah chara fizikal, jaku enggau tanda. 

Abang Mat Ali madah munyi nya maya Seminar Gempung Gerempung Pengajar Sarawak (STU) ungkup orang indu sereta ngelancharka Kimpin 'Anti Buli' di Penview Hotel ditu kemari. #Bernama