Angus: Rumah Panjai Patrick Kebing di Jalai Tubau - Bakun
Cari Berita

Advertisement

Angus: Rumah Panjai Patrick Kebing di Jalai Tubau - Bakun

Staf @beritaibanMY
September 12, 2018

AMBIS LENGIS: Raban bomba benung bejalaika operasyen ba palan penusah angus ke nyadi.

BINTULU: Sebuah rumah panjai lima pintu ambis lengis diempa api, penusah angus nyadi ba Rumah Patrick Kebing di Jalai Tubau-Bakun, ditu, sehari tu.

Ketuai Balai Bomba enggau Penyelamat (BBP) Bintulu Mohamad Meramit, madah lapan iku raban bomba diketuaika Pero Guyuh beberumban ngesah ke palan penusah nyadi pengudah nerima kangau urung jam 1.43 tengah hari.

Ku iya, tujuh iku raban bomba ari BBP Samalaju diketuaika Azwan Nizam mega bisi ngesah sereta mantu bejalaika operasyen ba palan penusah angus ke nyadi.

"Lima buah pintu rumah panjai nya struktur enda entap, api ngerarai 100 peratus," ku iya. 

Ku iya, tiga ari lima buah pintu nya nadai orang ngibun tang sepintu diibun lapan seruang bilik enggau sepintu agi diibun tujuh seruang bilik.

Tang taja pia, nadai penusah bebadi nya diripotka ba palan penusah angus ke nyadi.

Operasyen madamka api 'over haul' tembu urung jam 3.50 petang.

Kebuah penusah angus nyadi enggau penyampau pengerugi agi dipansik.