Semina orang ke bejual, 'tokey' kedai makai ditagang ngena 'straw'
Cari Berita

Advertisement

Semina orang ke bejual, 'tokey' kedai makai ditagang ngena 'straw'

Staf @beritaibanMY
Saturday, September 22, 2018

GAMBAR PENGIAS: Straw pesetik.

KUALA LUMPUR: Orang ke bejual enggau 'tokey' kedai makai ditagang tauka dilalau ngena 'straw' pesetik bepun ari 1 Januari 2020 tang ukai orang mayuh. 

Ketuai Sekreteriat Menteri Wilayah, Datuk Seri Adnan Md. Ikhsan, madahka notis enda ngasuh ngena straw nya deka diiyarka ba syarat 'terms' lisin bejual bepun ari 1 Januari 2019.  

"Berindik ari nya, straw ke ukai bansa pesetik konvensional mega disediaka nyadi 'alternatif'," ku iya lebuh dirandau pengarang berita sehari tu tadi.

"Kimpin bekaul ngena straw pesetik konvensional nya deka dipejalaika sepemanjai taun 2019 nyentuk ke undang-undang nya dipejalaika," ku iya. 

Adnan madah, taja pia, piak iya enda ngukum orang enda dapat enggau pesakit ke begunaka straw enggau pesetik dalam pengidup ninting hari sida iya.

Ku iya, kena nganti ngagai straw pesetik konvensional, straw digaga ari perengka guna 'biodegradasi' tauka keretas ke ulih diguna.