16 October 2018 - Hari Dua ba Minggu Ke Dua Puluh Lapan Musim Selama
Cari Berita

Advertisement

16 October 2018 - Hari Dua ba Minggu Ke Dua Puluh Lapan Musim Selama

Chief Editor | Berita Iban MY
October 16, 2018

“Kita orang Parisi nuchi mangkuk enggau chapak kita ari luar aja, tang dalam nyin kita penuh laban pengamu enggau penyai.
16 October 2018 - Hari Dua ba Minggu Ke Dua Puluh Lapan Musim Selama

Bacha Ke Satu:

Galatia 5: 1 - 6

Menyadi:
Laban Kristus udah ngelepaska kitai ngambika kitai amat-amat dilepaska. Nya alai bediri tegap, lalu anang nejuka diri dikungkung nyadi ulun baru.

Dinga kita! Aku, Paul, madah ngagai kita, enti kita nejuka diri ditutus, Kristus nadai guna ba kita.

Sekali agi aku bejaku ngagai genap iku orang ke nejuka diri ditutus: iya enda tau enda ngasika semua Adat.

Kita ke nguji diau lurus ulih Adat, udah ngetas diri ari Kristus; kita udah tebelengka ari pengasih Allah Taala.

Laban ulih Roh Kudus enggau ulih pengarap, kitai gagit ati nganti pengelurus ti disadang kitai.

Laban dalam Jesus Kristus, pengawa betutus tauka enda betutus, sigi nadai reti. Utai ti beguna nya pengarap ti ngayanka diri ulih pengerindu.

Masmur Entara:

Masmur 119: 41, 43, 44, 45, 47, 48

Saut (peda 41a): Pandangka pemesai pengerindu Nuan ke aku, O TUHAN.

Ke Satu
Pandangka pemesai pengerindu Nuan ke aku, O TUHAN, lalu selamatka aku, munyi ti udah disemaya Nuan.

Saut: Pandangka pemesai pengerindu Nuan ke aku, O TUHAN.

Ke Dua
Anang nagang aku nyebut jaku ti bendar, laban aku andal ati ke adat Nuan.

Saut: Pandangka pemesai pengerindu Nuan ke aku, O TUHAN.

Ke Tiga
Aku deka seruran ngasika adat Nuan, belama lama iya.

Saut: Pandangka pemesai pengerindu Nuan ke aku, O TUHAN.

Ke Empat
Lalu aku deka dilepaska laban aku udah ngiga ajar Nuan.

Saut: Pandangka pemesai pengerindu Nuan ke aku, O TUHAN.

Ke Lima
Aku gaga ati ke pesan Nuan ti dikerinduka aku.

Saut: Pandangka pemesai pengerindu Nuan ke aku, O TUHAN.

Ke Enam
Aku bebasaka pesan Nuan ti dikerinduka aku, lalu aku deka belematika ajar Nuan.

Saut: Pandangka pemesai pengerindu Nuan ke aku, O TUHAN.

Alleluia (peda Hebrew 4: 12)

Alleluia, alleluia

Jaku Allah Taala idup sereta bekuasa, 
iya ulih ngakim runding enggau niat ati mensia.

Alleluia.

Bacha Injil:

Luke 11: 37 - 41

Lebuh Jesus udah tembu bejaku, siku orang Parisi lalu mai Iya makai. Nya alai Jesus tama lalu duduk ngimbai mija makai.

Orang Parisi nya balat alit ati meda Jesus enda masu jari dulu sebedau Iya makai.
Tuhan lalu bejaku ngagai iya, 

“Kita orang Parisi nuchi mangkuk enggau chapak kita ari luar aja, tang dalam nyin kita penuh laban pengamu enggau penyai.

Kita tu beli! Kati Allah Taala ti ngaga utai ti di luar, enda mega ngaga utai ti di dalam?

Nya alai beri utai ti dalam mangkuk kita nyadika sedekah ngagai orang ke seranta, nya baru semua utai deka nyadi tuchi ke kita.”