"Aku nupi anak aku ari mit ukai ngasuh nuan nyamah iya!," ku entua
Cari Berita

Advertisement

"Aku nupi anak aku ari mit ukai ngasuh nuan nyamah iya!," ku entua

Staf @beritaibanMY
October 25, 2018

BA PALAN KES KE NYADI: Entua ngajar menantu iya ba mua orang mayuh.
KUCHING: Siku apai ngeransi pengudah nemu anak indu iya dijamah tauka dipenyati menantu iya empu.  

Siti video ti 'viral' ba media sosial apin lama ke udah, ba video nya mantaika siku lelaki (entua) nyamah siku lelaki (menantu iya) ngejung ke bedarah ba mulut enggau idung.



Nitihka video ke diiyar pemanjai 5 minit 38 saat nya, iya (entua) nganu lelaki nya enggau meri jaku;

Nama aku ngemesaika anak aku ari mit nyentuk ke besai. Endur nuan mantupka ati ti pedis tauka nyamah iya?

Aku udah suah madah ke nuan, aku meri pemendar tauka setuju nuan jadi enggau anak aku tak aku nadai ngasuh nuan nyamah tauka menyati iya!


Ringat pengudah nemu ulah ke digaga menantu iya, apai (entua) mutus ati deka ngajar menantu iya ngena chara nyipat, maluk enggau nendang lelaki nya ba mua orang mayuh.

Taja pia, menantu iya enda malas tauka ngelaban. Iya semina nyilat ngena jari.

Enti apai indai nuan enda ngajar, awak ka aku ga ngajar nuan!.

Nitihka penerang ba video nya, entua iya nganu laban menantu iya enda bejalaika tanggungpengawa nyadi ketuai ruang bilik ti angkun, lalu bejaku munyi tu:

Nuan ka minta ampun ari aku?. Lebuh nuan maluk aku, bisi nuan minta ampun ari iya?. Nuan ingat aku ka nejuka nuan majak ngereja pengawa baka nya?.

Nuan nemu nama utai ti udah nyadi?. Nuan baka ke enda takutka aku neh! Enti amai enda takut, angkat nuan, paluk aku diatu!

Enda lama pengudah nya, bisi siku nyuaka wie umbas ia ga pemesai ngagai entua iya. Laban ke agi 'gesak' tuaka nganu, iya lalu malu menantu iya ngena wie nya.


Nitihka penerang, kes tu dipechayaka nyadi ba Kuching, Sarawak. Orang mayuh ke bisi meda video nya, nyukung apai (entua) enggau madahka lelaki nya endang patut diajar. 

Kelimpah ari nya, bisi madahka apai (entua) mih orang ti patut ngajar menantu iya nya. Bisi mega madahka lelaki nya endang patut diberi 'terima gaji' ketegal udah nyamah tauka menyati bini iya empu. 

Psst: Nyamai gaji! (Jaku nya diambi admin ari video jenaka versi iban)