LEMAS: Siku anak mit 6 taun bebadi nyawa
Cari Berita

Advertisement

LEMAS: Siku anak mit 6 taun bebadi nyawa

Chief Editor | Berita Iban MY
October 20, 2018

Anak mit nya diripotka tengelam lebuh iya mandi enggau bala bakih iya ba sungai nya.
KUALA TERENGGANU: Siku anak mit tauka pelajar sekula tadika (prasekolah) bebadi nyawa pengudah lemas ba Sungai Pulau Wan Man semak Taman Tamadun Islam, ditu, sehari tu tadi. 

Penusah nyadi urung jam 3.01 lemai tadi, bangkai Muhammad Rayyan Adam Mohd. Rosnan ('mansa'), 6 taun, ditemu raban Ngiga enggau Nyelamat (SAR) enda jauh ari palan penusah ke nyadi, urung pengelama 15 minit raban SAR udah bejalaika operasyen.

Sapit Ketuai Polis Pampang Kuala Terengganu, Superintendan Suffian Sulaiman, madahka lebuh penusah nyadi, mansa ianya anak ke pemadu tuai ari dua menyadi ke benung main ba sungai nya begulai enggau bala bakih iya.



"Lebuh benung rindang mandi ba sungai nya, enda mukai-mukai 'mansa' penatai ari Kampung Losong Pasir, tengelam ke dalam ai sungai nya.

"Berindik ari nya, bala bakih iya ke meda penusah ke nyadi lalu berumban niki ke pantai enggau minta bantu ari peranak menua ngambika ulih nyelamatka mansa sebedau ngeripotka penusah nya ngagai raban opis ke megai tanggungpengawa," ku iya lebuh dirandau pengarang berita, sehari tu tadi.