Lori labuh ke dalam parit besai ba jalai semak Jematan Batu 4
Cari Berita

Advertisement

Lori labuh ke dalam parit besai ba jalai semak Jematan Batu 4

Chief Editor | Berita Iban MY
October 24, 2018

BA PALAN PENUSAH KE NYADI: Sebuah lori labuh ke dalam parit besar.
SARATOK: Siku deriba enggau kelindan ngengam semengat pengudah lori ke ditepan seduai iya tepawah lalu tama masuk ke dalam parit besar ba jalai semak Jematan Batu 4, ditu, sehari tu tadi.

Penusah nyadi urung jam 5.20 pagi nya, kaki deriba lori nya diripotka mengkang ba lori nya tang kelindan semina bakal mua. 

Komander Operasyen ari Balai Bomba enggau Penyelamat (BBP) Yusuf Tamin madah, raban iya bisi nerima kangau bekaul enggau penusah ke nyadi urung jam 5.22 pagi.

Ku iya, 10 raban bomba berumban ngesah ke palan penusah nyadi ngambika ulih bejalaika operasyen nyelamat.



"Lebuh datai ba palan penusah ke nyadi, raban bomba ngeripotka sebuah lori ke ngundan barang tepanggai ba atas 'culvert' ke benung diangkatmanah.

"Raban bomba pengudah nya, mansutka kelindan dulu sebedau ngemansutka deriba lori ke tesepit ba kaki nya," ku iya lebuh dirandau pengarang berita sehari tu tadi.

Yusuf ngelansa, raban bomba pengudah nya meri perubat tumu ngagai seduai dua sebedau dianjung ke Sepital Saratok ngambika ulih diperubatka enggau silik agi.

"Operasyen nyelamat tembu urung jam 6.24 pagi, ku iya.