Siku anak mit lelaki bebadi nyawa, basikal belantak enggau kerita
Cari Berita

Advertisement

Siku anak mit lelaki bebadi nyawa, basikal belantak enggau kerita

Chief Editor | Berita Iban MY
October 31, 2018

BA PALAN EKSIDEN NYADI: Basikal ke ditepan 'mansa' pengudah belantak enggau sebuah kerita.
KUCHING: Siku anak mit lelaki bebadi nyawa lebuh diperubatka ba Sepital Besai Sarawak (HUS) pengudah basikal ke ditepan iya belantak enggau sebuah kerita ba Jalai Tun Razak, ditu, malam tadi (Hari Dua).

'Mansa' dikelala ngena nama Ramis Sari Rinnie, sembilan taun, penatai ari RPR Bandar Baharu Semariang.

Nitihka penerang, lebuh eksiden nyadi, 'mansa' dipechayaka enda ulih nyaga basikal ke ditepan iya lalu tama ke jalai kerita. Sebedau iya belantak enggau kerita nya urung 7.00 malam.

Raban periman ke bisi ngesah ke palan eksidin ke nyadi ngeripotka 'mansa' balat bakal. Pengudah meri perubat tumu, 'mansa' dianjung ke Unit Emergency HUS ngambika ulih diperubat enggau silik agi.



Taja pia, 'mansa' diripotka bebadi nyawa urung jam 7.45 malam.

Ketuai Opis Tasat enggau Penguasa Trafik, (JSPT) Sarawak Superintenden Alexson Naga Chabu, madahka bisi nerima ripot bekait enggau eksiden nya.

Pansik silik agi dipejalaika nitihka genteran Seksyen 41(1) Akta Pengangkutan Jalan (APJ) 1987.