Siku indu ditemu parai, ditagup baya ba sungai Kampung Sawai
Cari Berita

Advertisement

Siku indu ditemu parai, ditagup baya ba sungai Kampung Sawai

Chief Editor | Berita Iban MY
October 17, 2018

Gambar pengias.
MUKAH: Siku indu ditemu parai dipechayaka ditagup baya lebuh iya nyala ba sungai Kampung Sawai, Kabang, Daro, sehari tu tadi.

Sapit Direktor Operasyen Opis Bomba enggau Penyelamat Malaysia (JBPM) Sarawak, Tiong Ling Hii, madahka mansa ke parai nya dikelala ngena nama Maznah Moh, 39 taun, ditemu ba sungai nya enggau dipechayaka ditagup baya laban bisi abi ngeli baya tubuh mansa.

"Bangkai mansa ditemu ba sungai nya urung jam 12 tengah hari tu tadi," ku iya lebuh dirandau pengarang berita sehari tu tadi.

Siku ari genturung pendiau nya nemu penusah ti enda disadang nyadi, pengudah iya tepedaka perau ke dikena mansa anyut kediri enggau nadai orang ngena.

Berindik ari nya, seraban genturung pendiau lalu beguai ngiga mansa.