SMK Three Rivers napi penusah angus pagi tadi
Cari Berita

Advertisement

SMK Three Rivers napi penusah angus pagi tadi

Chief Editor | Berita Iban MY
October 17, 2018

BA PALAN PENUSAH KE NYADI: Raban bomba benung bejalaika operasyen madamka api.
MUKAH: Sebuah penusah angus diripotka nyadi ba buding Sekolah Menengah Kebangsaan (SMK) Three Rivers, sehari tu tadi.

Sapit Direktor Operasyen Negeri Opis Bomba enggau Penyelamat Malaysia, (JBPM) Sarawak Tiong Ling Hii, madahka berindik ari ripot ke diterima urung jam 10.57 pagi, seraban bomba ari Balai Bomba enggau Penyelamat Mukah berumban ngesah ke palan penusah nyadi.

"Lebuh raban bomba datai ba palan penusah ke nyadi, api benung nyelarai ba dinding atas (siling) di agu pelajar lelaki," ku iya lebuh dirandau pengarang berita sehari tu tadi.

"Nadai penusah bebadi nyawa diripotka nyadi ba palan penusah nyadi, tandu iya.

Naka berita tu ditulis, raban bomba agi benung bejalaika operasyen madamka api.

Kebuah penusah angus nyadi agi dipansik.