Siku lutor ditemu midang ba dalam kerita - Berita Iban Online | Laman Web Berita Kitai

Header Ads

  • Baru Nyadi

    Siku lutor ditemu midang ba dalam kerita

    KASIH AMAI: RIP Dr Arif Husaini Abdul Rahim 😭

    KUCHING: Siku lutor ditemu enda enseput ba dalam kerita ba palan endur engkah entukar Sepital Perintah Sarawak (HUS), kemari.

    Lutor nya dikelala ngena nama Dr Arif Husaini Abdul Rahim ditemu benung enda ngeleda tauka nemu diri urung jam 4 lemai enggau diripot midang pengudah diperesa raban perubat ba sepital nya. 

    Nitihka penerang ari Opis Pengerai Sarawak, Dr. Arif, penatai ari Selangor, megai tanggungpengawa nyadi "Pegawai Perubatan" ba "Jabatan Kecemasan" udah gawa pengelama lima taun ba HUS. 

    Ku penerang, enti nitihka syif gawa, niang patut gawa syif lemai kemari tang iya nadai datai ba sepital baka selama. Bisi mega bala nguji nganggauka iya ngena talipaun tang nadai disaut iya. 

    Berindik ari deka ngiga lutor nya, diak sida tetemuka niang ba kerita ke diempu iya ba palan endur engkah kerita. 

    Nitihka dipadah, niang bisi masah ke diri enda entu bepengerai sehari sebedau iya ditemu midang.

    Tubuh niang dianjung ngena bilun ke Selangor urung jam 7 pagi tadi pengudah bejalaika pengawa buntas tasat tembu kena malam hari dua. 

    Meri penyinu ati ngagai bala sepintu bilik ke udah ditinggalka niang Dr Arif Husaini Abdul Rahim. RIP 😭

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads