Header Ads

  • Baru Nyadi

    1 January 2019 Hari Octave Krismas - Solemniti - Maria, Indai Allah Taala

    The Octave Day of Christmas  - Solemnity of the Blessed Virgin Mary, the Mother of God.

    1 January 2019 Hari Octave Krismas - Solemniti - Maria, Indai Allah Taala (The Octave Day of Christmas  - Solemnity of the Blessed Virgin Mary, the Mother of God)

    Bacha Ke Satu:

    Penyampau 6: 22 - 27

    Ku TUHAN bejaku ngagai Moses,
    “Sebut ngagai Aron enggau ngagai anak lelaki iya: ‘Baka tu ku jalai kita merekatka orang Israel. Sebut ngagai sida, TUHAN merekatka kita, lalu ngintu kita; TUHAN gaga ati ke kita lalu kasihka kita; TUHAN rinduka kita, lalu meri kita pemaik.’

    “Nya meh jalai sida ngena nama Aku merekatka orang Israel, lalu Aku deka merekatka sida.”

    Masmur Entara:

    Masmur 67: 1 - 2, 4, 5 & 7

    Saut (peda 1a): Allah Taala, kasihka kami lalu berekatka kami.

    Ke Satu
    Allah Taala, kasihka kami lalu berekatka kami. Peda meh kami enggau penelap Nuan, ngambika semua dunya nemu peneka Nuan, lalu semua bansa nemu pengelepas Nuan.

    Saut: Allah Taala, kasihka kami lalu berekatka kami.

    Ke Dua
    Awakka semua bansa lantang lalu belagu gaga ati, laban Nuan ngakim semua bansa enggau pengelurus lalu ngiring genap bengkah bansa di dunya tu.

    Saut: Allah Taala, kasihka kami lalu berekatka kami.

    Ke Tiga
    Awakka semua bansa muji Nuan, O Allah Taala. Awakka semua bansa muji Nuan!
    Allah Taala udah merekatka kami. Awakka semua bansa di semua endur ngemesaika Iya.

    Saut: Allah Taala, kasihka kami lalu berekatka kami.

    Bacha Ke Dua:

    Galatia 4: 4 - 7

    Menyadi:
    Tang lebuh timpuh udah chukup, Allah Taala ngirumka Anak Iya, diadaka siku indu, diadaka di baruh Adat, ngambika Iya nebus orang ke di baruh Adat, ngambika kitai diberi semua hak nyadi anak Allah Taala.

    Lalu laban kita tu anak, Allah Taala udah ngirumka Roh Anak Iya ke dalam ati kitai. Roh Anak Iya nya ti ngangau, “Abba! Apai!”

    Nya alai, kita ukai ulun agi, tang anak, lalu enti kita nya anak, Allah Taala udah ngasuh kita bempu waris.

    Alleluia (peda Hebrew 1: 1 - 2)

    Alleluia, alleluia
    Dulu kelia Allah Taala suah bendar bejaku ngagai aki ini kitai beseruanka sida nabi;

    tang ba hari ti penudi tu, Iya udah bejaku ngagai kitai ngena Anak Iya Empu.
    Alleluia.

    Bacha Injil:

    Luke 2: 16 - 21

    Nya alai sida lalu beguai-guai mupuk, lalu tetemuka Maria seduai Josep, enggau anak mit nya gali dalam dulang.

    Lebuh sida meda nya, sida lalu madahka utai ti udah dipadahka melikat pasal anak mit nya, lalu semua orang ke ninga nya balat alit ati ke utai ti dipadahka sida pengibun bedus.

    Tang Maria nyimpan semua jaku nya lalu belematika jaku nya dalam ati iya.

    Sida pengibun bedus lalu pulai, ngemuliaka sereta muji Allah Taala ketegal semua utai ti udah didinga enggau dipeda sida, munyi ti udah dipadahka ngagai sida.

    Lapan hari udah bekau nya, anak mit nya lalu ditutus. Iya lalu diberi nama Jesus, nama ti udah diberi melikat sebedau Iya dikandungka.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads