EKSIDEN: Apai bebadi nyawa, anak balat bakal
Cari Berita

Advertisement

EKSIDEN: Apai bebadi nyawa, anak balat bakal

Chief Editor | Berita Iban MY
January 6, 2019

Gambar pengias

KUCHING: Siku sekuriti bebadi nyawa, tang anak lelaki iya diripotka balat bakal pengudah motosikal ke ditepan seduai iya tepawah ba 'area' perumahan di Jalai Kampung Tabuan Hilir, ditu, kena malam Hari Enam.

Ketuai Polis Pampang (KPD) Kuching, ACP Ng Ah Lek madah, lelaki, 54 taun, penatai ari Kampung Tabuan Hilir, diripotka bebadi nyawa ba palan eksiden ke nyadi urung jam 7.55 malam.

"Eksiden nyadi, lebuh deriba motosikal nya enda ulih nyaga (control) ke ditepan iya lalu tepawah sereta tama ke 'area' perumahan," ku iya lebuh ke dirandau pengarang berita seharitu tadi.

Ku Ng, lungun tauka tubuh mansa udah dianjung kes Sepital Besai Sarawak kena bejalaika pengawa buntas tasat.

Tang taja pia, anak 'mansa', 12 taun, ke nepan enggau iya diripotka balat bakal enggau diatu benung diperubatka ba Unit Rawatan Rapi (ICU) HUS.

"Kes agi dipansik ari baruh Seksyen 41 (1) Akta Pengangkutan Jalan 1987," tandu iya.