EKSIDEN: Siku lelaki bebadi nyawa pengudah belantak enggau dua buah entukar - Berita Iban Online

Header Ads

  • Baru Nyadi

    EKSIDEN: Siku lelaki bebadi nyawa pengudah belantak enggau dua buah entukar

    KASIH AMAI: Pendiau kerita Hilux pengudah ba palan eksiden ke nyadi.

    SARIKEI: Siku lelaki bebadi nyawa pengudah kereta ke ditepan iya belantak enggau dua buah entukar di Jalai Nansang, Pakan, ditu, sehari tu tadi.
    Eksiden nyadi urung jam 1.30 lemai, 'mansa' dikelala ngena nama Jalin Bungap diripotka bebadi ba palan eksiden ke nyadi ketegal balat bakal. 
    Sapit Direktor Opis Bomba enggau Penyelamat Sarawak, Tiong Ling ripot ari orang mayuh bekaul enggau eksiden nya urung jam 1.32 lemai.
    Ku iya, berindik ari ripot ke diterima, enam raban bomba berumban ngesah ke palan eksiden ke nyadi ngambika ulih bejalaika operasyen nyelamat.
    “Lebuh datai ba palan eksiden, raban bomba ngeripotka tiga buah sebuah entukar ianya kerita Perodua Axia, Perodua Myvi enggau Hilux.
    “Asil pansik silik, deriba Perodua Axia mengkang ba dalam kerita,” ku iya lebuh ke dirandau pengarang berita seharitu tadi.
    Tiong ngelansa, 'mansa' ke mengkang ba dalam kerita nya udah mujur dipansutka raban bomba sebedau disuaka raban polis.
    Ku iya, lungun tauka tubuh 'mansa' pengudah nya dianjung raban polis ke sepital ngambika ulih bejalaika pengawa silik agi. 
    “Operasyen tembu urung 2.45 lemai,” tandu iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads