Header Ads

  • Baru Nyadi

    EKSIDEN: Siku lelaki bebadi nyawa, motosikal tepawah, tama ke dalam parit

    KASIH AMAI: Raban bomba benung mansutka 'mansa' (Gambar Mit) ari dalam parit.

    SARIKEI: Siku lelaki bebadi nyawa pengudah motosikal ke ditepan iya tepawah lalu tama ke dalam parit di Jalai Punai, ditu, sehari tu tadi.

    Eksiden nyadi urung jam 7.50 pagi tadi, lelaki nya (mansa) dikelala ngena nama Gana Peter, 27, penataia ari Rumah Lingga, Sungai Selanggan, diripotka ngapuska seput kepenudi ba palan eksiden ke nyadi.

    Ketuai Balai Bomba enggau Penyelamat Sarikei, Suna Kaha, madahka raban bomba berumban ngesah ke palan eksiden ke nyadi pengudah nerima kanggau ari orang mayuh, ngambika ulih bejalaika operasyen nyelamatka 'mansa'. 

    "Lebuh datai ba palan eksiden ke nyadi, ketuai operasyen ngeripotka 'mansa' dipeda ningkap enggau kena tinggang motosikal iya empu. 

    "Berindik ari nya, raban bomba lalu berumban mansutka 'mansa' ari dalam parit nya. Tang taja pia raban perubat ari Sepital Sarikei ke bisi datai ngesah ke palan eksiden ke nyadi madahka 'mansa' udah enda ulih diselamatka agi," ku iya lebuh ke dirandau pengarang berita seharitu tadi.

    Lungun tauka tubuh 'mansa' udah disuaka ngagai raban polis enggau dianjung ke Sepital Sarikei ngambika ulih bejalai pengawa enggau silik agi.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads