Empat sebilik nadai palan endur ngenduh, rumah di Lorong Chawan 13, Tabuan Jaya, ambis lengis diempa api - Berita Iban Online | Laman Web Berita Kitai

Header Ads

  • Baru Nyadi

    Empat sebilik nadai palan endur ngenduh, rumah di Lorong Chawan 13, Tabuan Jaya, ambis lengis diempa api

    AMBIS LENGIS: Api benung mau ba palan penusah ke nyadi.

    KUCHING: Empat sebilik nadai palan endur ngenduh pengudah rumah sida iya di Lorong Chawan 13, Tabuan Jaya, ambis lengis diempa api, malam tadi.

    Penusah angus nyadi urung 10.15 malam, tang taja pia, nadai bakal tauka penusah bebadi nya diripotka ba palan penusah ke nyadi.

    Sapit Direktor Opis Bomba enggau Penyelamat Sarawak, Tiong Ling Hii madah, raban bomba bisi nerima ripot bekaul enggau penusah angus nya urung jam 10.19 malam.

    Ku iya, berindik ari nya, seraban bomba ari Balai Bomba enggau Penyelamat (BBP) Tabuan Jaya enggau BBP Padungan berumban ngesah ke palan penusah ke nyadi ngambika ulih bejalaika operasyen madam api.

    Raban bomba benung bejalaika operasyen madamka api.

    “Lebuh datai ba palan penusah angus, raban bomba ngeripotka sebuah rumah lus (setinggan) benung diempa api.

    “Asil pansik tumu, semua orang ke nguan rumah nya udah mujur pansut nyelamatka diri,” ku iya lebuh ke dirandau pengarang berita sehari tu tadi.

    Tiong ngelansa, asil pansik silik orang ke nguan rumah enda sempat nyelamatka reta tengkira laban api mau enggau udah belabuh nyelarai nyelarai.

    “Naka ke diatu, kebuah penusah angus nyadi enggau penyampau pengerugi agi dipansik,” ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads