Header Ads

  • Baru Nyadi

    Siku anak mit baru ada, agi betali pusat ditemu midang ba Masjid Muara Mongkos, Serian

    KASIH AMAI: Raban polis benung meresa tubuh anak mit (baby) ba palan penusah ke nyadi.

    SERIAN: Lungun tauka tubuh siku anak mit baru ada (baby) dipechayaka indu ditemu semak Masjid Muara Mongkos, Serian, kemari.

    Nitihka penerang ke diterima kami, anak mit nya agi betali pusat enggau dibalut ngena kain burak nya ditemu orang mayuh ke bisi mansak ba palan nya ba rumput.

    Ketuai Polis Pampang Serian, Deputi Superintendan Aswandy Anis madah, raban polis bisi nerima ripot bekaul enggau anak mit nya bisi ditemu urung jam 8 pagi.

    Ku iya, seraban polis diketuaika Inspektor Frankie Billy Tadius, berumban ngesah ke palan penusah ke nyadi pengudah nerima ripot nya.

    “Asil pansik tumu, bisi bekau ketup jelu ba jari enggau punggung anak mit nya.

    “Pansik silik mega dipejalaika raban forensik ke bisi dikanggau ngesah ke palan penusah nyadi enggau buntas tasat deka dipejalaika kena nemu nama kebuah pemati anak mit nya,” ku iya.

    Ku iya, kes nya deka dipansik ari baruh 'Seksyen 318 Kanun Keseksaan' laban ngelalaika pemati enggau muai anak mit nya belalai. 

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads