Siku lelaki dipelabaka lemas, terejun ari ekspres
Cari Berita

Advertisement

Siku lelaki dipelabaka lemas, terejun ari ekspres

Chief Editor | Berita Iban MY
January 4, 2019

Gambar ba palan penusah ke nyadi.

SIBU: Siku lelaki dipelabaka lemas pengudah terejun ke sungai ari 'bot ekspres' di Terminal Ekspres Sibu, ditu, tengah hari tadi.

Pemangku Ketuai Bomba enggau Penyah Penusah Zon Sibu, Wan Kamaruddin Wan Ahmad madah, raban bomba nerima kanggau ari orang ke bisi meda ba palan penusah ke nyadi. 

“Nitihk penerang ari saksi, siku lelaki beumur 20-an nya, bisi ngena baju enggau tanchut trek chura chelum bediri ba belakang bot ekspres nya sebedau terejen ke sungai.

“Jari iya (mansa) bisi dipeda enchapak sebedau anyut dibai arus enggau tenggelam,” ku iya lebuh ke dirandau pengarang berita.

Berindik ari nya, operasyen ngiga enggau nyelamat (SAR) lalu dipejalaika enam raban bomba, dua raban polis, empat Raban Penyaga Pengelikun Mensia Mayuh Malaysia (APM) enggau empat ari Opis Sungai-Sungai Sarawak (LSS).

“Raban SAR bejalaika operasyen tumu ba tebing sungai ngena t'eknik pencarian di permukaan air' ba endur 'mansa' diripotka terejun sebedau majak ngiga ke ili sungai ngena perau 'bot'.

“Urung pemesai dua kilometer endur ngiga 'mansa'. Taja pia, operasyen SAR diketuka urung jam 4.30 lemai tadi ketegal ujan bangat. Naka kediatu, 'mansa' agi bedau temu enggau 'identiti' lelaki nya pan bedau ditemu raban SAR,” ku iya.