Siku lelaki ditemu enda ngelada ba pintu kerita
Cari Berita

Advertisement

Siku lelaki ditemu enda ngelada ba pintu kerita

Staf @beritaibanMY
January 4, 2019

KASIH AMAI: Ba palan penusah ke nyadi 'mansa' ditemu 'saksi' enda ngeleda.

MUKAH: Siku lelaki beumur 50-an ditemu enda ngelada benung duduk ba pintu kerita ke diempu iya ba tisi jalai Kampung Keluap urung jam 1.30 lemai tadi.

Ketuai Polis Pampang Mukah DSP Jimmy Panyau, iya (mansa) ditemu siku 'saksi' ke ngam-ngam ga maya nya bisi mansak ba jalai nya enggau nguji nganggauka  tauka betalipaun ngagai bala kaban belayan ngena talipaun binching ke bisi ba jari 'mansa'. 

"Raban perubat ari Sepital Mukah ngeripotka 'mansa' ngapuska seput ke penudi ba palan penusah ke nyadi", ku iya lebuh ke dirandau raban pengarang berita.

Nitihka penerang ari bala ke sepintu bilik enggau 'mansa', iya kala madahka diri pedis dada sebedau tu tang iya enggai dianjung berubat ba sepital. 

Asil tasat raban polis ba palan penusah ke nyadi, kes tu nadai bekait enggau kes jenayah.

"Lungun 'mansa' udah dianjung ke Sepital Mukah kena bejalaika pengawa buntas tasat enggau kes tu agi dipansik raban polis," tandu iya.