Header Ads

  • Baru Nyadi

    21 February 2019 - Hari Empat ba Minggu Ke-enam Musim Selama

    Udah nya Jesus enggau sida murid Iya mupuk ngagai mayuh bengkah genturung pendiau di Siseria Pilipi, lalu di rantau jalai Iya nanya sida murid Iya, “Sapa Aku tu ku orang?”

    Bacha Ke Satu: Pemungkal 9: 1 - 13

    Allah Taala lalu merekatka Noah enggau bala anak iya, ku Iya, “Beranak betelesak meh kita, lalu ngemenuhka dunya. Semua jelu, burung, enggau ikan deka takutka kita. Semua sida di baruh kuasa kita magang. Diatu kita tau makai sida, lalu kita tau mega makai utai ti tumbuh. Aku meri semua utai nya nyadika pemakai kita. Tang kita enda tau makai dagin ti agi bedarah, laban darah ngundan seput. Aku deka meri ukum bunuh ngagai sebarang sapa munuh orang. Aku deka meri ukum bunuh ngagai jelu ti munuh mensia. Barang sapa munuh orang deka dibunuh, laban mensia digaga neladan gamal Allah Taala. Beranak betelesak meh kita, lalu ngemenuhka dunya.” 

    Ku Allah Taala bejaku ngagai Noah enggau bala anak iya, “Aku ngaga sempekat enggau nuan sereta enggau peturun nuan ti nangkanka nuan, sereta enggau semua utai ti idup - semua burung, enggau semua jelu - semua utai ti pansut ari bandung sama enggau nuan. Ngena sempekat tu, Aku besemaya enda agi ngerusak dunya enggau semua utai ti idup di dunya, ngena ai bah. Kena Aku nanda sempekat ti meruan belama iya tu ti digaga Aku enggau nuan, sereta enggau semua utai ti idup, Aku ngengkahka anakraja ba remang nyadika kelai kena nandaka sempekat Aku enggau dunya.”

    Masmur Entara: Masmur 102: 15 - 17, 18 - 20, 28 & 21 - 22

    Saut (peda 19b): TUHAN nilik ke baruh ari serega ngagai dunya.

    Ke Satu
    Semua bansa deka nangika TUHAN. 
    Semua raja di dunya deka nangika kuasa Iya.
    Lebuh TUHAN ngaga Sion baru, 
    Iya deka mandangka pemesai kuasa Iya.
    Iya deka ningaka bala nembiak Iya ti udah ditinggalka Iya, 
    lalu mendingka sampi sida.

    Saut: TUHAN nilik ke baruh ari serega ngagai dunya.

    Ke Dua
    Tuliska utai ti udah dikereja TUHAN ke rebak ti dudi, 
    ngambika orang ke apin ada diatu, deka muji Iya.
    “TUHAN nilik ke baruh ari endur Iya ti kudus ba endur ti tinggi, 
    Iya nilik ke baruh ari serega ngagai dunya.
    Iya ninga demuh orang jil 
    lalu ngelepaska orang ke kena ukum bunuh.”

    SautTUHAN nilik ke baruh ari serega ngagai dunya.

    Ke Tiga
    Bala anak kami deka diau likun, 
    lalu ari jaga Nuan peturun sida deka diau likun.
    Nya alai nama Iya deka disebut di Sion, 
    lalu Iya deka dipuji di Jerusalem
    lebuh semua bansa enggau perintah begempuru 
    lalu nyembah TUHAN.

    SautTUHAN nilik ke baruh ari serega ngagai dunya.

    Alleluia / Aklamasi sebedau Injil (peda John 6: 63C, 68C)

    Alleluia, alleluia
    Jaku Nuan TUHAN nya Roh enggau pengidup.
    Nuan ngembuan jaku ti meri pengidup ti meruan belama iya.
    Alleluia.

    Bacha Injil: Mark 8: 27 - 33

    Udah nya Jesus enggau sida murid Iya mupuk ngagai mayuh bengkah genturung pendiau di Siseria Pilipi, lalu di rantau jalai Iya nanya sida murid Iya, “Sapa Aku tu ku orang?”

    Sida lalu nyaut Iya, “John Pemaptisa. Orang bukai ngumbai Nuan Elijah, lalu sida ti bukai ngumbai Nuan siku ari sida nabi.”

    Iya lalu nanya sida, “Kati ku kita? Sapa Aku tu ku kita?” 

    Peter lalu nyaut, “Nuan tu Kristus.”
    Jesus lalu berat-rat enda nyagi sida madahka pasal Iya ngagai orang.

    Iya lalu belabuh ngajar sida murid Iya, madahka Anak Mensia enda tau enda balat diperinsa, lalu ditulak sida tuai bansa, sida tuai imam, enggau sida pengajar Adat, lalu dibunuh, lalu tiga hari udah bekau nya Iya deka angkat idup baru.

    Iya madahka tu enggau terang ngagai sida. Peter lalu mai Iya ke tisi, lalu belabuh ngerara Iya.

    Tang Jesus nguing lalu merening ngagai sida murid Iya, lalu ngerara Peter. 

    Ku Iya, “Rari nuan ari Aku, Sitan. Laban nuan berundingka utai mensia, ukai utai Allah Taala.”

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads