Anak mit 3 taun, ditampar nyentuk ke tubuh iya bepusin enggau tepelanting - Berita Iban Online

Header Ads

  • Baru Nyadi

    Anak mit 3 taun, ditampar nyentuk ke tubuh iya bepusin enggau tepelanting

    KASIH AMAI: Indai anak mit (mansa) benung maluk iya ngena senduk.

    KUALA LUMPUR: Ditampar nyentuk ke tubuh bepusin enggau tepelanting. Nya mih nasib ke ditapi siku anak mit lelaki, tiga taun, dipenyati indai kandung iya.

    Orang ke meri penerang madahka, penusah nyadi kena 1 Februari lalu sempat dirikod bala ke sepintu bilik enggau anak mit nya (mansa) sebedau ngaga ripot polis di Balai Polis Setapak, ditu.

    Ku iya, ripot polis digaga lelaki beumur 20-an pengudah meda video ke nyadi ba rumah anak mit nya di Jalai Genting Klang, ditu.

    Ku iya, lelaki nya nerima video nya ari mesej WhatsApp ti mantaika anak mit nya kena jamah tauka dipenyati.

    “Nitihka video ke dirikot nya, anak mit nya duduk di atas dibaruh dipaluk enda bebadu ba tubuh iya ngena senduk.

    “Ukai semina nya aja, anak nya mega ditampar enda bebadu ba kuyu sepiak kanan. Kelimpah ari nya, video nya mega mantaika anak mit nya ditampar enggau penapat ngejung ke anak mit nya bepusin enggau tepelanting. 'Saspek' dipechayaka ibu anak mit nya nadai berasai sinu ati lebuh iya maluk anak iya empu ti semina nyabak sereta takut,” ku iya.

    Ku iya, pengudah kena jamah indai iya, idung anak mit nya bedarah, bakal ba pala enggau kembai ba mata.

    “Ngelama tu anak mit nya dianjung ke rumah ama ninting lemai nyentuk ketumu pagi lebuh indai iya pansut kereja ba restoran ke semak.

    “Anak mit nya udah suah dijamah tauka dipenyati tang bala ke sepintu bilik enggau iya semina ngemataka aja tauka enda berani ngaga ripot ngagai polis,” ku iya.

    Berindik ari nya, Ketuai Opis Tasat Jenayah Kuala Lumpur, Senior Asisten Komisioner, Rusdi Mohd Isa, madahka raban polis bisi nerima ripot bekaul enggau penusah ke nyadi, kemari. 

    “Asil pansik tumu, indai anak mit nya udah ngelarika diri pengudah ripot polis digaga. 

    “Naka kediatu, indai anak mit nya apin kena tangkap.

    “Raban polis diatu agi ngiga indai anak mit nya enggau kes nya dipansik ari baruh 'Seksyen 31(1)(a) Akta Kanak-Kanak 2001',” ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads