Bonnie Bunyau Gustin mujur bulih midul emas ba pekit 'Powerlifting Para Mangkuk Dunya' di Dubai - Berita Iban Online

Header Ads

  • Baru Nyadi

    Bonnie Bunyau Gustin mujur bulih midul emas ba pekit 'Powerlifting Para Mangkuk Dunya' di Dubai

    Bonnie Bunyau Dustan.

    KUCHING
    : Pemujur atlit ‘para’ menua peranak Sarawak, Bonnie Bunyau Gustin mujur bulih midul emas ba pekit 'Powerlifting Para Mangkuk Dunya' di Dubai, Emeriah Arab Bersatu kena Hari Minggu nyin tadi, mandangka Sarawak enda suntuk atlit OKU ke bisi penau.

    Menteri Pengelantang Pendiau Komuniti, Orang Indu, Ruang Bilik enggau Pemansang Anak Mit, Datuk Seri Fatimah Abdullah, madahka Bonnie udah mandangka pengeran ati ti chukup ngemegahka nyentuk ke nempa pemujur ba renggat entarabansa.

    “Kitai berasai amat temegah enggau pemujur Bonnie ti udah menang midul emas ba Pekit 'Powerlifting' Para Mangkuk Dunya.

    “Iya udah mandangka semengat ‘Atlet Para Boleh’, ‘OKU Boleh’ enggau Agi Idup Agi Ngelaban,” ku iya lebuh dikerandau pengarang berita, ensanus.

    Ku iya, penyereta Bonnie, (18) dalam pekit nya ngambika iya ulih enggau ba Lumba Paralimpik Tokyo ba taun 2020.

    Ku iya, dalam pekit nya Bonnie ba penuduk kedua kategori tebuka tang ba awak ke sama iya agi biak dalam kategori berat dipasuk iya nya.

    “Dalam kategori nembiak, Bonnie ke pemadu nyulut di dunya diatu,” ku Fatimah.

    Bonnie mujur bulih midul emas dalam kategori nembiak lelaki nyentuk 65 kilogram sereta mujur nanggung 190 kilogram pemerat.

    Iya ngalahka Heleno Victor Silva ari Brazil (115 kilogram) ba lumur dua lalu midul engkeraju ti diempu Beom Jo Seo ari Korea Selatan nengah rikod 98 kilogram.

    Bonnie mega bulih midul pirak dalam kategori senior enggau penyampau berat ke ditanggung iya sebaka enggau kategori ke siti tadi.

    Emas diempu atlit Algeria, Hocine Bettir (191 kilogram) lalu engkeraju diempu atlit Jordan, Mohammad Tarbash (181 kilogram).

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads