Hilux tetungging, tanah tusur ba Jalai Batu 8, Engkamop - Berita Iban Online | Laman Web Berita Kitai

Header Ads

  • Baru Nyadi

    Hilux tetungging, tanah tusur ba Jalai Batu 8, Engkamop

    PUJI TUHAN: Orang ke nepan kerita Hilux nya diripotka selamat enggau nadai penusah bebadi nyawa diripotka ba palan penusah ke nyadi.

    PAKAN: Peranak menua Pakan begau pengudah tanah tusur enggau jalai putus di Jalai Batu 8, Engkamop, tumu pagi tadi.

    Nitihka penerang, jalai nya mega salah siti ari jalai ti nuju ke tujuh buah sekula primari enggau lebih 20 buah rumah panjai.

    Pengari Ketuai Polis Pampang (KPD) Julau, ASP Colony Kiai, madahka tanah tusur ba jalai nya nyadi, tumu pagi tadi.

    "Tanah nya tusur bepun ari ujan bangat sereta enda ngetu-ngetu kenyau beberapa hari ke udah.

    "Naka kediatu, nadai penusah bebadi nyawa diripotka nyadi ba palan penusah ke nyadi," ku iya lebuh ke dirandau pengarang berita, sehari tu tadi.

    Nangkan ke nya, Opis Operasyen Bomba enggau Penyelamat Negeri, madahka tanah tusur ba jalai nya dipechayaka nyadi urung jam 4 pagi.

    "Bisi kerita Hilux diripotka tetungging nyauka labuh ke sungai ba palan penusah ke nyadi. Tang taja pia, kerita Hilux nya mujur ditarit orang mayuh ke bisi ba dia enggau deriba Hilux nya mega dianjung berubat ke klinik ke semak.

    Naka kediatu, raban Bomba enggau Penyelamat Pampang Bintangor benung ngemataka pengelikun ba palan penusah ke nyadi.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads