Lori singit, tanah tusur, jematan rusak di Kampung Sega, Simunjan
Cari Berita

Advertisement

Lori singit, tanah tusur, jematan rusak di Kampung Sega, Simunjan

Chief Editor | Berita Iban MY
February 18, 2019

Pendiau ba palan penusah ke nyadi.

SIMUNJAN: Siku deriba lori ngenggam semengat pengudah lori ke ditepan labuh enggau rebah singit ba jematan ti runtuh di Kampung Sega, Simunjan, sehari tu tadi.

Tang taja pia, penusah nya nyadi urung jam 12 tengah hari, meri Puji Tuhan laban deriba lori nya diripotka bakal mimit aja.

Pengari Penyaga Pengelikun Mensia Mayuh Malaysia (APM), madahka raban sida iya bisi nerima ripot ari orang mayuh bekaul enggau penusah ke nyadi. 

Ku iya, orang ke ngeripotka madahka bisi lori labuh enggau rebah singit pengudah mansak jematan nya.

“Jematan nya runtuh dipechayaka ketegal lori nya ngundan perengka lebih ari taka tauka jematan nya enda ulih ngetanka pemerat lori nya,” ku iya lebuh ke dirandau pengarang berita sehari tu tadi.

Nangka ke nya, raban APM Asajaya madahka penusah tanah tusur nya ngagai Opis APM pampang Simunjan enggau polis ngambika ulih ngemata enggau nyaga pengelikun orang ke ngena jalai nya.

Ku iya, Opis Kereja Raya (JKR) mega bisi dikanggau ke palan penusah ke nyadi ngambika ulih bejalaika pengawa silik agi. 

“Palan nya deka dikemata tauka diperatika ngambika ulih nyaga pengelikun orang ke ngena jalai nya enggau genturung pendiau ke semak palan penusah ke nyadi,” ku iya.