Lori tangki ngundan 33,000 liter minyak diesel enggau petrol, angus di Jalai Pesisir Pantai Bekenu-Miri - Berita Iban Online | Laman Web Berita Kitai

Header Ads

  • Baru Nyadi

    Lori tangki ngundan 33,000 liter minyak diesel enggau petrol, angus di Jalai Pesisir Pantai Bekenu-Miri

    Api benung mau ba palan eksiden ke nyadi.

    MIRI: Lori tangki ti ngundan 33,000 liter minyak diesel enggau petrol angus ba Kilometer 52 Jalai Pesisir Pantai Bekenu-Miri, pagi tadi.

    Eksiden nyadi urung jam 8.20 pagi nya, lori nya diripotka tepawah lalu ngejung ke iya rebah singit sebedau angus.

    Tang taja pia, deriba lori, Jerry Jawa, 33, diripotka selamat enggau semina bakal mimit aja.

    Ketuai Zon Bomba enggau Penyelamat Miri, Law Poh Kiong, madahka raban bomba bisi nerima ripot bekaul enggau eksiden ke nyadi urung jam 8.33 pagi tadi.

    Ku iya, seraban bomba ari Balai Bomba enggau Penyelamat Miri, Lopeng enggau Samalaju pengudah nya lalu berumban ngesah ke palan eksiden ke nyadi.

    “Naka jam 11.30 pagi, api udah mujur dipadam, tang Jerry (mansa) udah dianjung ke Sepital Miri ngambika ulih diperubatka enggau silik agi,” ku iya.

    Ku iya, naka kediatu, kebuah eksiden enggau angus nya nyadi agi benung dipansik.

    Berindik ari penusah ke nyadi, Jalai Miri-Bintulu balat jem enggau mensia mayuh dipinta ngena jalai kebukai 'alternatif' ngambika ulih nyeliahka diri tauka ngurangka jalai jem ba palan nya. 

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads