Bangkai siku lelaki ditemu di sungai Batang Mukah
Cari Berita

Advertisement

Bangkai siku lelaki ditemu di sungai Batang Mukah

Chief Editor | Berita Iban MY
February 1, 2019

KASIH AMAI: Lungun tauka tubuh Ningkan ditemu enda jauh ari perau ke dikena iya.

MUKAH: Bangkai siku lelaki ke diripotka lenyau kena lemai Hari Tiga, ditemu enda jauh ari perau ke dikena iya di Batang Mukah, sehari tu tadi.

Ketuai Polis Pampang Mukah, DSP Jimmy Panyau, madahka lungun tauka tubuh Ningkan Inggas, 56, ditemu urung jam 3 lemai. 'Mansa' ditemu enda jauh ari perau ke dikena iya ke ditemu kemari.

"Bangkai 'mansa' ditemu Raban Ngiga enggau Nyelamat (SAR) enggau disuaka ke ngagai raban polis ngambika ulih bejalaika pengawa silik agi," ku iya lebuh ke dirandau pengarang berita sehari tu tadi.

Penyampau 14 iku orang ianya empat raban bomba ari Balai Bomba enggau Penyelamat Mukah, dua raban polis, dua raban Penyaga Periman (APM) enggau enam peranak menua nya bisi mantu bejalaika operasyen SAR hari kedua, belabuh ari jam 7 pagi tadi.

Kemari bini 'mansa' ngaga ripot polis pengudah laki iya nadai pulai ke rumah pengudah iya nurun kediri ari rumah panjai di Rumah Belayong Nanga Kalai, Selangau, urung jal 2.30 lemai, Hari Tiga.

Lelaki nya 'mansa' dipechayaka bekayuh ngena perau kediri di Batang Mukah, Selangau.

Pengudah bangkai 'mansa' ditemu, operasyen SAR diketuka urung jam 4.20 lemai.