Header Ads

  • Baru Nyadi

    Makai mee chapi di Restoran Hiong Ngiu Chap

    Restoran 'Kah Hiong Ngiu Chap' ba Marina Square, Phase 1, Miri.
    Meri tabi basa ngagai semua pemacha Berita Iban Online, nama berita kita, wai?. Ngarapka semua kitai mujur ngereja semua pengawa baka ke sehari tu. 😇

    Kena Hari Minggu, minggu nyin tadi, raban kami bisi ngaga 'review' ba restoran tauka 'Bejalai Ngiga Pemakai' ba pelilih menua Sarawak.

    Program ngaga 'review' tu deka dipejalaika raban kami ninting bulan tang kami semina ngaga ba restoran udah dipilih kami aja.

    Raban kami milih restoran "Kah Hiong Ngiu Chap" laban semak ari opis kami enggau restoran tu mega direkomen siku ari Freelancer ke sama gawa enggau raban kami.

    Nitihka penerang ari Freelancer ke sama gawa enggau kami, restoran tu nadai bejual jani tauka semina bejualka pemakai ti HALAL aja.

    Kelimpah ari nya, restoran tu mega tebilang enggau laksa Sarawak enggau mee chapi. Sekeda ari raban kami ke enda kala makai kia pan deka nguji tauka ensepi pemakai ke bisi dijual dia.

    ENDA TAU PEDA MUA: Siku ari admin benung ngoder pemakai. Teehee! 😎

    Jeng.. Jeng... Jeng...


    Lebuh kami datai ba restoran nya, enda nyangka penuh bala mensia makai di restoran nya.

    BA MUA RESTORAN: Penuh bala orang mayuh makai ba restoran nya lebuh kami sebuat datai.

    BA DALAM RESTORAN: Penuh mega bala orang mayuh makai ba restoran nya lebuh kami sebuat datai
    Seraya ke nganti mija bisi puang, kami tujuh iku; admin (Frankie), Jessy, Travis, Kon, Elvis, Farid enggau Alvin nganti ba luar restoran urung pengelama 5 minit.

    "Menu' tauka pemakai ti bisi dijual ba restoran nya.
    Udah bulih mija enggau penuduk, kami sebuat sama bela milih kediri pemakai ti deka diempa nitihka dipandang ba 'menu' nya.

    Chef benung netak chapi ti dikena nyampur mee tauka asi.
    Laban admin ke paling manchal entara kami sebuat, sempat mega admin ngachau (ngambi gambar enda lama) ba dapur enggau meda bala chef ke benung kiruh berapi nyediaka pemakai. Nasit manah bala chef dia sporting magang. Hehe

    Enda lama pengudah nya, pemakai ke dipinta kami pan datai ba mija kami. Sedeka ari gambar ti diambi raban kami lebuhka makai ba dia:

    BESAI KERAT CHAPI DITU: Ngau Chap Mee, RM9.80

    Stew Meat Beef Ball Mee, RM8.00

    Ngau Chap Kon Lou Mee, RM9.80.

    Special Beef Stew Rice, RM12.80.

    Ngau Chap Mee Ka Liao, RM13.80.

    Regular Laksa Sarawak, RM6.80.
    Sekeda ari pemakai diorder kami udah datai.

    Benung kiruh manduk penganan.

    Pau guring (kiba), penganan (kiba) enggau cucur pisang (ari atas), RM1.00 (3 igi).

    Kati baka pemakai ba restoran nya?. Nyamai ka?. Servis manah?. 


    Semua pemakai ti dipinta (order) kami semua nyamai magang. Kelebih agi, sup sida iya endang chukup penyamai enggau kerat chapi pan umbas iya pemesai.

    Admin rinduka kopi ke disumai sida iya, baru rengut sereta nyamai. Enda ga entu manis, tak ngena amai asai. Enti iya diirup benung angat, nya ngam agi deh. Hehe

    Semua utai ba dunya ti nya, bisi pengelebih enggau pengurang. Nya alai, admin enggai enda madah tumu. Ukai reti kami ka bejaie sapa-sapa, tang kami semina deka madahka experience lebuh kami datai makai ba restoran nya.

    Nangkan ke nya, semua pemakai ke udah disepi kami endang nyamai magang tang ba sentang pemayuh isi baka mee enggau asi bisi pengurang mimit laban enda entu mayuh diberi sida iya. Tang ba admin empu, kira umbas iya ga kena ngenyang ke perut. Ukai nama laban irau bala ke bagas makai  bisi datai madahka enda chukup diempa sereta madahka diri agi lapar. Baka kitai ke makai maggie nya mih. Enti agi ka asai, tau minta (order) baru ga.

    Ba sentang rega pemakai ba restoran nya, pan kira ngena enggau asai sereta pemayuh utai ke dienahka sida iya.

    Nyadi kepenudi sekali, kami meri 4 ☆ ngagai restoran nya.

    Rega : ☆☆☆

    Kualiti : ☆☆☆☆☆

    Pemayuh utai dienah (Portion Size) : ☆☆☆☆

    Servis : ☆☆☆☆

    Pemanah enggau pemeresi restoran (Ambiance) ☆☆☆

    (Poin: ‘☆’ = Paling Baruh, ‘☆☆☆☆☆’ = Paling Tinggi)

    Kah Hiong Ngiu Chap, Marina Square Phase 1, Miri.
    Lot 2050, Ground Floor, Marina Square Phase 1, 98000, Miri, Sarawak.
    Facebook Pages : Kah Hiong Ngiu Chap- Miri
    Contact No: 011 6507 6996

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads