Header Ads

  • Baru Nyadi

    Motosikal tepawah, siku lelaki bebadi nyawa

    Pendiau motosikal ke ditepan 'mansa' lebuh eksiden ba Jalai Salim.

    SIBU: Siku lelaki penatai ari Rumah Ibok, Nanga Semah di Bintangor, bebadi nyawa pengudah motosikal ke ditepan iya tepawah ba Jalai Salim, urung jam 10 malam, kena malam Hari Lima tu tadi.

    Lelaki nya dikelala ngena nama Alexsion Juing Ladin, 29 taun, diripotka ngapuska seput kepenudi lebuh diperubatka ba Sepital Sibu. 

    Ketuai Polis Pampang Sibu, ACP Stanley Jonathan Ringgit, madahka lelaki nya (mansa) benung ngena motosikal ari pasar Sibu deka ke pasar raya di Jalai Salim.

    Ku iya, motosikal ke ditepan 'mansa' dipechayaka enda ulih dijaga lalu ngejungka iya tepawah. 

    “Pengudah nya, iya dianjung ke Sepital Sibu ngambika ulih diperubatka enggau silik agi. Tang taja pia, iya diripot raban perubat ngapuska seput kepenudi urung jam 10.52 malam ba hari eksiden ke nyadi," ku iya.

    Kes nya dipansik ari baruh 'Seksyen 41 (1) Akta Pengangkutan Jalan 1987'.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads