Siku anak mit dua taun, mengkang dalam kerita di Kuching
Cari Berita

Advertisement

Siku anak mit dua taun, mengkang dalam kerita di Kuching

Chief Editor | Berita Iban MY
February 22, 2019

Gambar pengias.

KUCHING: Siku anak mit dua taun mengkang dalam kerita pengelama sejam ketegal pengilap siku indu, dipechayaka orang ke nyaga iya, benung berandau enggau bakih iya ba luar kerita ba palan penusah ke nyadi di Kuching, sehari tu tadi.

Pengudah nemu anak mit nya mengkang ba dalam kerita, indu nya nguji muka pintu kerita nya tang enda ulih buka iya.

Berindik ari nya, indu nya lalu betalipaun ngagai raban bomba ngambika ulih muka pintu kerita nya enggau ngemansutka anak mit nya. 

Pengari Operasyen (PGO) Bomba enggau Penyelamat Sarawak, madahka sida iya bisi nerima ripot ari indu ny urung jam 7.44 pagi tadi.

“Indu nya deka nganjung anak mit nya asuh tadika semak Sekolah Menengah Kebangsaan (SMK) Green Road, tang iya (indu nya) pansut ari kerita laban deka berandau enggau bakih iya. Enda mukai-mukai, kerita ke ditepan seduai iya nya diripotka ngelog diri empu enggau ngejung ke anak mit nya mengkang ba dalam kerita nya,” ku iya lebuh ke dirandau pengarang berita, sehari tu tadi.

Ku iya, Berindik ari ripotka diterima, lapan raban bomba berumban ngesah ke palan penusah ke nyadi ngambika ulih bejalaika operasyen nyelamatka anak mit nya.

“Raban bomba nguji muka pintu kerita nya ngena chara manual, tang enda ulih.

“Nitihka pemutus ari indu nya, raban bomba mecahka cherimin tengah kereta nya laban nadai jalai bukai kena muka pintu enggau mujur mansutka anak mit nya” ku iya.