Siku anak mit indu bebadi nyawa, kena lantak kerita - Berita Iban Online | Laman Web Berita Kitai

Header Ads

  • Baru Nyadi

    Siku anak mit indu bebadi nyawa, kena lantak kerita

    KASIH AMAI: Pendiau ba rumah (mansa) lebuh penusah ke nyadi lemai kemari.


    GEORGETOWN: Siku anak mit beumur tiga taun bebadi nyawa pengudah kena lantak kerita ti ngelantak rumah ke diibun iya di Tanjung Tokong, lemai kemari.

    Penusah nyadi urung jam 2.30 lemai nya, Annur Sumayyah Syabandi (mansa), 3 taun, benung bisi ba rumah sida iya sebedau kerita Proton Saga enda mukai-mukai surut laju enggau ngelantak rumah anak mit nya.

    Ketuai Polis Pampang Timur Laut, Asisten Komisioner Che Zaimani Che Awang, madahka deriba kerita nya, ianya siku indu, 35 taun, dipechayaka enda sengaja teindikka 'pedal' minyak lebuh iya deka nyurutka kerita nya. 

    “Pengudah nya, kerita nya lalu nujuk sereta tama ke rumah nya enggau enda nemu tauka meratika bisi anak mit ba palan penusah ke nyadi.

    “Bangkai anak mit (mansa) pengudah nya dianjung ke Sepital Pulau Pinang (HPP) sereta dibantu ambulans tang diripotka ngapuska seput kepenudi benung ba rantau jalai nuju ke sepital,” ku iya lebuh ke dirandau pengarang berita, malam tadi.

    Che Zaimani ngelansa, asil buntas tasat anak mit nya bakal ba pala enggau telih ba tubuh iya.

    Ku iya, indu ke deriba kerita nya, kereja nyadi 'cashier' ba 'shopping mall', diatu ditan polis laban deka meresa ai kemi enggau deka bejalaika pengawa nasat.

    “Polis benung ngiga saksi ke bisi meda penusah ke nyadi enggau kes nya dipansik ari baruh 'Seksyen 41 (1) Akta Pengangkutan Jalan 1987',” ku iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads