Header Ads

  • Baru Nyadi

    Siku lelaki bebadi nyawa pengudah eksiden di jalai Kampung Mambong

    KASIH AMAI: Raban perubat madahka lelaki nya (mansa) udah nadai ba palan eksiden ke nyadi.

    KUCHING: Siku lelaki bebadi nyawa pengudah eksiden di jalai Kampung Mambong, Padawan, sehari tu tadi.

    Pengari Operasyen Bomba enggau Penyelamat Malaysia (JBPM) Sarawak, lelaki nya dikelala ngena nama Alexis Danial, 32 taun, penatai ari Kampung Seratau.

    Ku iya, tujuh raban bomba ari Balai Bomba enggau Penyelamat Siburan berumban ngesah ke palan eksiden ke nyadi pengudah nerima ripot urung jam 7:52 pagi.

    "Komander operasyen madahka lebuh datai ba palan eksiden ke nyadi, siku lelaki ditemu enda enseput semak enggau motosikal ke dipechayaka ke diempu iya (mansa). 

    "Asil pansik tumu, nadai bekau lantak ba motosikal ke ditepan 'mansa', ku iya lebuh ke dirandau pengarang berita sehari tu tadi.

    "Bangkai lelaki nya udah dianjung ke sepital ngambika ulih bejalaika pengawa silik agi," tandu iya.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads