Siku lelaki diripotka lenyau, nadai mulaika diri ke rumah iya di Kampung Stom Muda - Berita Iban Online | Laman Web Berita Kitai

Header Ads

  • Baru Nyadi

    Siku lelaki diripotka lenyau, nadai mulaika diri ke rumah iya di Kampung Stom Muda

    Raban SAR benung bejalaika operasyen ba palan penusah ke nyadi.

    LUNDU: Siku lelaki diripotka lenyau sehari tu tadi pengudah iya nadai mulaika diri ke rumah iya di Kampung Stom Muda, kenyau ari kemari.

    Lelaki nya (mansa), Polus Deng, 49 taun, diripotka pansut ari rumah iya urung jam 7 pagi, kemari.

    Pengari Operasyen Bomba Sarawak, madahka sida iya bisi nerima ripot bekaul enggau penusah ke nyadi urung jam 8.32 pagi tadi.

    Ku iya, seraban bomba berumban ngesah ke palan penusah ke nyadi ngambika ulih bejalaika operasyen Ngiga enggau Nyelamat (SAR).

    “Lebuh datai ba palan penusah ke nyadi, komander operasyen ngeripotka penerang ke diambi ari siku saksi ianya ipar biak 'mansa', madahka 'mansa' pansut ari rumah maie sebatang kayu enggau berumban nurun bejalai nuju ke kampung ba belakang rumah nya.

    “Taja pia, nyentuk ke diatu iya lalu nadai mulaika diri ke rumah enggau nadai orang nemu kini penungga iya diatu,” ku ku iya lebuh ke dirandau pengarang berita, sehari tu tadi.

    Pengari nya ngelansa, Pos Ngemata Bomba (PKB) udah dibuka kena bejalaika operasyen SAR ba palan penusah ke nyadi.

    Nangkan ke nya, berita tu deka ditandu kami baru, nganti udah bulih penerang ti silik Opis Operasyen Ngiga enggau Nyelamat (SAR).

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads