Siku lelaki diripotka lenyau, udah tiga hari nadai pulai ke rumah
Cari Berita

Advertisement

Siku lelaki diripotka lenyau, udah tiga hari nadai pulai ke rumah

Chief Editor | Berita Iban MY
February 8, 2019

PULAI MIH NUAN BUJANG: Gambar lelaki ke diripotka lenyau.

SARATOK: Siku lelaki diripotka lenyau pengudah nadai mulaika diri ke rumah panjai di Nanga Budu, Krian, kenyau Hari Dua tu tadi.

Lelaki nya (mansa), Duncan Leslie, 26 taun, diripotka udah tiga hari lenyau enggau enda temu kini penungga.

Pengari Operasyen Bomba Sarawak, madahka raban bomba bisi nerima ripot ari Balai Polis Saratok bekaul enggau pengelenyau lelaki nya, urung jam 5.31 lemai kemari.

Ku iya, nitihka ripot ke diterima, ibu lelaki nya irauka pengelikun anak menyadi iya ti nadai pulai ke rumah. Berindik ari nya, iya ngaga ripot polis urung jam 11.35 pagi kemari.

“Operasyen Ngiga enggau Nyelamat (SAR) alu dipejalaika nitihka penerang silik bekaul enggau pengelenyau "mansa" ba rumah panjai nya.

“Penerang ari orang ke meda (saksi), ianya bakih ke begulai enggau "mansa", madahka lelaki nya benung mabuk enggau belandak ke jalai alun semak endur Opis Pengerijista Pampang Nanga Budu (JPNB) kena 6 Februari, urung jam 5 lemai,” Ku iya lebuh ke dirandau pengarang berita sehari tu tadi.

Pengari Operasyen ngelansa, "mansa" maya nya ngena baju t-shirt chura hitam enggau tanchut pandak chura coklat, dipelabaka bakih iya udah mulaika diri ke rumah.

"Tang, "mansa" agi bedau pulai ke rumah nyentukka diatu tidak balik ke rumah sehingga sekarang," ku iya.

“Penyauh Operasyen Ngiga enggau Nyelamat (SAR) udah dikemesaika ngagai 3 kilometer ari palan simpang Nanga Budu. Tang taja pia, naka ke diatu "mansa" agi bedau temu,” tandu iya.