Header Ads

  • Baru Nyadi

    Siku lelaki ditemu parai begitang ba kayu di sepital lama Bintulu

    KASIH AMAI: Lelaki nya (mansa) ditemu begitang ba kayu di sepital lama Bintulu.

    BINTULU: Siku lelaki ke gawa nyadi sekuriti Sepital Perintah ba Bintulu ditemu parai begitang ba kayu di Sepital Lama Bintulu semak Taman Waterfront Bintulu, kemari.

    Bangkai tauka tubuh lelaki (mansa), 23 taun nya ditemu begitang ba kayu ba palan penusah ke nyadi, urung jam 11.45 pagi.

    Ketuai Polis Pampang Bintulu, Superintendan Zulkipli Suhaili, madahka seraban polis berumban ngesah ke palan penusah ke nyadi pengudah nerima ripot madahka bisi tetemuka bangkai mensia.

    Ku iya, asil pansik tumu, raban perubat ke bisi ngesah ke palan penusah ke nyadi ngeripotka lelaki nya (mansa) udah ngapuska seput kepenudi urung pengelama 24 jam sebedau bangkai iya ditemu orang mayuh.

    “Nadai bekau jamah enggau jenayah ditemu ba palan penusah ke nyadi. Naka kediatu, kes nya diklasifikasi nyadi parai ngenyit (SDR),” ku iya lebuh ke dirandau pengarang berita sehari tu tadi.

    Zulkipli ngelansa, pansik silik deka dipejalaika kena nemu nama kebuah pemati "mansa" nya. 

    Bangkai tauka tubuh "mansa" pengudah nya dianjung ke  Unit Forensik Sepital Bintulu kena bejalaika pengawa buntas tasat.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads