Siku lelaki ditemu parai, bisi abi achuk ngena pisu ba tubuh - Berita Iban Online | Laman Web Berita Kitai

Header Ads

  • Baru Nyadi

    Siku lelaki ditemu parai, bisi abi achuk ngena pisu ba tubuh

    BA PALAN PENUSAH KE NYADI: Bisi abi achuk ba tubuh lelaki nya.

    MUKAH: Siku lelaki ditemu parai enggau bisi abi achuk ba tubuh iya di Kenyana, ditu, sehari tu tadi.

    Ketuai Polis Pampang Mukah, DSP Jimmy Panyau, madahka raban polis bisi nerima ripot ari menija ladang madahka satf iya bisi tetemuka bangkai siku lelaki ti enda dikelala (nadai dokumen pengelala), urung jam 7.20 pagi.

    "Pengudah ngaga ripot polis, menija ladang, 40 taun, lalu berumban ngesah ke palan penusah ke nyadi, dia iya tepedaka siku lelaki ke enda dikelala benung telentang gali dibalut darah sereta enda ngeleda.

    "Kelimpah ari nya, iya (menija) mega bisi bekau achuk ba dada sepiak kanan, belakang tubuh sepiak kiba enggau jari kiba lelaki nya," ku iya lebuh ke dirandau pengarang berita, sehari tu tadi.

    Jimmy ngelansa, polis mega bisi tetemuka sebilah pisu bisi sarung ba tisi palan penusah ke nyadi.

    "Asil pansik tumu, identiti lelaki nya apin temu. Tang taja pia, lelaki nya dipechayaka orang indon laban nadai abi tauka tanda jik 'Bacillus Calmette Gurrain' (BCG) ba tubuh 'mansa'," ku iya.

    Ku iya, dua lelaki orang Indon ditan laban deka bejalaika pengawa tanya tasat bekaul enggau penusah ke nyadi. 

    "Kes nya dipansik ari baruh 'Seksyen 302 Kanun Keseksaan'," tandu iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads