Header Ads

  • Baru Nyadi

    Siku lelaki mujur ditangkap, nyerungkai rumah di Kuching

    Saspek mujur ditangkap orang ke berimbai rumah.

    KUCHING: Penyikal enggau pemerani dua orang ke berimbai rumah mujur nangkap siku lelaki ke dipechayaka ngerungkai rumah di Jalai Kee Hup, Kuching, pagi tadi.

    Ketuai Opis Tasat Jenayah Sarawak, Senior Asisten Komisioner, Dennis Leong Soon Kuai, madahka bisi nerima ripot ari orang ke ngibun rumah nya urung 10.30 pagi.

    Ku iya, urung jam 9.20 pagi, orang ke ngibun rumah nya bisi nerima mesej emergency ari sistem sekuriti ke dipasang iya ba rumah nya ke disambung ngagai talipaun binching iya.

    "Orang ngibun rumah nya lalu madahka penusah ke nyadi ngagai orang ke berimbai rumah iya ngena talipaun. Bisi siku agi orang ke berimbai rumah mega enggau besaup melampatka saspek nya," ku iya.

    Ku iya, pengudah saspek nemu orang ke berimbai rumah deka nangkap iya, saspek lalu niki ke atas perabung rumah nya.

    Tang taja pia, saspek terejun ke baruh enggau nguji ngelarika diri tang mujur ditangkap bala ke berimbai rumah nya sebedau iya diserahka ngagai raban polis.

    Dennis ngelansa, polis udah tetemuka beberapa iti perengka ke churi saspek, 28 taun, ba dalam kandik sandik ke dikena iya.

    Ku iya, kes nya dipansik ari baruh 'Section 457 Kanun Keseksaan'.

    No comments

    Post Top Ad

    Deka nemu berita ti benung #TRENDING tauka #VIRAL ninting hari:

    Post Bottom Ads