Siku pemesai polis rebah lebuh peresa di klinik bayar sebedau iya diripotka midang ba sepital - Berita Iban Online | Laman Web Berita Kitai

Header Ads

  • Baru Nyadi

    Siku pemesai polis rebah lebuh peresa di klinik bayar sebedau iya diripotka midang ba sepital

    RIP Inspektor Wilson Nohek.. 😭

    SLIM RIVER: Siku pemesai polis rebah lebuh peresa di klinik bayar sebedau iya diripotka midang ba Sepital Slim River, lemai kemari.

    Penusah nyadi urung jam 5.45 lemai nya, Inspektor Wilson Nohek, 39 taun, penatai ari Kuching, Sarawak, ke nyadi 'Pegawai Penyiasat Bahagian Antimaksiat, Judi dan Kongsi Gelap' (D7) Opis Polis Pampang (IPD) Muallim, sebedau tu bisi madahka diri pedis dada lebuh maya gawa.

    Ketuai Polis Pampang Muallim, Superintendan Wan Kamarul Azran Wan Yusof, madah urung jam 5 lemai, Wilson benung bejalaika Ops Pintu enggau beberapa raban polis kebukai ba endur Slim River semak 'Pasar Raya' Econsave.

    “Urung pengelama 10 minit, iya (Wilson) madahka diri pedis dada sebedau iya peresa ba klinik semak 'pasar raya' nya.

    “Nurse klinik pengudah nya madahka Wilson rebah ba klinik enggau dianjung ke Sepital sebedau iya diripotka udah enda ulih diselamatka agi ketegal bisi penanggul ba jantung,” ku iya lebuh ke dirandau pengarang berita, kemari.

    Ku iya, niang Wilson udah ninggalka bini iya, Vivianne Arina Malumpang enggau tiga anak iya ti beumur tiga, enam enggau tujuh taun.

    Wan Kamarul Azran ngelansa, bangkai niang deka dianjung pulai menua asal iya enggau dikuburka ba Kampung Bau, di Kuching.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads