Siku staf kompeni merisi uras bebadi nyawa, kena lantak kerita di Jalai Ong Tiang Swee - Berita Iban Online

Header Ads

  • Baru Nyadi

    Siku staf kompeni merisi uras bebadi nyawa, kena lantak kerita di Jalai Ong Tiang Swee

    KASIH AMAI: Raban bomba benung ngatung "mansa" ba palan penusah ke nyadi.
    KUCHING: Siku staf kompeni merisi uras bebadi nyawa pengudah kena lantak kerita lebuh iya benung bejalaika pengawa ngumpul uras di Jalai Ong Tiang Swee, ditu, pagi tadi.
    Penusah nyadi urung jam 6.10 pagi tadi, Staf kompeni meresi uras (mansa) dikelala ngena nama Hamka Su’ud, lelaki, 48 taun, ngapuska seput kepenudi ba palan penusah ke nyadi ketegal tepelanting enggau tepanggai ba tiang antara talipaun enggau langkau. 
    Pengari Operasyen Bomba Sarawak, madahka raban iya bisi nerima kanggau bekaul enggau penusah ke nyadi urung jam 6.11 pagi.
    Ku iya, sembilan iku raban bomba ari Balai Bomba enggau Penyelamat (BBP) Batu Lintang pengudah nya lalu berumban ngesah ke palan penusah ke nyadi ngambika ulih bejalaika operasyen nyelamat. 
    “Lebuh datai ba palan penusah ke nyadi, komander operasyen ngeripotka sebuah kerita Proton Waja udah ngelantak siku staf meresi uras ke benung bejalaika pengawa meresi ba palan nya.
    “Dempa pemalat eksiden nya, "mansa" tepelanting lalu tepanggai ba tiang antara talipaun enggau langkau ke bisi ba tisi jalai nya,” ku iya lebuh ke dirandau pengarang berita sehari tu tadi.
    Pengari Operasyen ngelansa, raban bomba pengudah nya ngatung bangkai tauka tubuh "mansa" nya sebedau iya diripotka raban perubat udah enda ulih diselamatka agi. 
    “Bangkai tauka tubuh "mansa" pengudah nya disuaka ngagai raban polis ngambika ulih bejalaika pengawa silik agi,” tandu iya.

    No comments

    Post Top Ad

    Deka nemu berita benung #TRENDING tauka #VIRAL ninting hari:

    Post Bottom Ads